Преподобный Савва, игумен Сторожевский - один из первых учеников преподобного Сергия Радонежского. Аскет, молитвенник, провидец, храмоздатель. Мощи преподобного Саввы доныне источают многие и различные исцеления с верою и молитвой приходящим больным. Покровитель монахов, царей и государевых людей. К святому игумену Савве обращаются за молитвенной помощью для укрепление веры, смирения, аскетического делания, благочестия, хранения девственности и, конечно, при болезнях для исцеления.

Преподобный Савва. Икона, XVII век. Из храма Воскресения Словущего на Успенском вражке в Москве. Звенигородский монастырь

***

Тропарь преподобному Савве Сторожевскому, глас 8

Пустыни явился еси доброе прозябение, преподобне: от юности бо изволил еси чистое житие, духовному твоему учителю последуя, и того учением ум к Небесным вперив, и стаду твоему премудр наставник показался еси; тем и Христос, яко пресветла тя светильника, чудесы обогати. Савво, отче наш, моли спастися душам нашим.

Кондак преподобному Савве Сторожевскому, глас 2

Господним желанием распалився, страсти плотския воздержанием оттряс, Божественнаго света незаходимое светило явился еси, чудес лучами всех просвещаеши, притекающих к раце мощей твоих, Савво преподобне, отче наш.

Молитва преподобному Савве Сторожевскому

О пречестная и священная главо, небеснаго Иерусалима гражданине, Пресвятыя Троицы обиталище, преподобне отче Савво! Велие имея дерзновение ко Всемилостивому Владыце, молися о стаде ограды твоея и о всех по духу чадех твоих: не премолчи вопия за ны ко Господу и не презри верою и любовию чтущих тя. Испроси предстательством твоим у Царя царствующих мир Церкви, под знамением Креста воинствующей; архиереом святительства благолепие, монашествующим доброе в подвизех течение; святей обители сей, граду сему и всем градом и странам охранение; миру безмятежие и мир, глада и пагубы избавление; старым и немощным утешение и подкрепление; юным и младенцем благое в вере возрастание, в Евангельском учении твердое обучение и в чистоте и целомудрии пребывание; вдовицам и сиротам милость и заступление; плененным отраду и возвращение, болящим исцеление, малодушным упокоение; заблуждшим исправление, согрешающим дух сокрушения, бедствующим и всем, благодатныя помощи требующим, благовременну помощь. Не посрами нас, к тебе с верою притекающих; споспешествуй, яко чадолюбивый отец чадом, и нам понести иго Христово во благодушии и терпении; и всех управи в мире и покаянии скончати живот свой непостыдно, и преселитися со упованием во обители небесныя, идеже ты, по трудех и подвизех, ныне водворяешися со Ангелы и святыми, зря и прославляя Бога, в Троице славимаго, Отца и Сына и Святаго Духа. Аминь.

Кондак 1

И збранный от Воеводы и Господа воинств небесных, преподобне отче наш Савво, силою креста Господня победивый напасти, яже от диавола, мира и плоти, яко имея дерзновение ко Господу, от всяких искушений, бед и наветов вражиих молитвами твоими сохраняй нас, похвальная с любовию тебе воспевающих:

Икос 1

А нгел во плоти явился еси на земли, преподобне Савво, от юности бо возлюбив Бога, равноангельному поревновал еси житию учителя твоего, преблаженнаго Сергия, и послужив Господеви в правде и преподобии во вся дни живота своего, по исходе нетлением телесе сияеши. Вси убо благоговейно чтуще тя, воспеваем сице:

Радуйся, истинный святаго учителя твоего ревнителю; радуйся, земный Ангеле и небесный человече.

Радуйся, верный слуго Господень; радуйся, усердный чистоты и воздержания хранителю.

Радуйся, зерцало веры благочестивыя; радуйся, образе кротости духовныя.

Радуйся, пустынножителей красото; радуйся, иноков наставниче.

Радуйся, многим ко спасению путеводителю; радуйся, скорый помощниче притекающим к тебе с верою.

Радуйся, отче наш Савво, чудотворче преславный.

Кондак 2

В идя, яко в мире сем всяческая суета и тление, потщался еси тесным и прискорбным путем течение жизни сея совершити; вселився во обители преподобнаго Сергия, и от него прияв ангельский образ, поревновал еси богомудрому его смирению и трудолюбию, и купно с ним день и нощь воспевал еси Спасителю, всех Богу: Аллилуиа.

Икос 2

Р азум и сердце покорив Христу Спасителю, глаголющу: «Иже хощет по Мне ити, да отвержется себе, и возьмет крест свой, и по Мне грядет»,- невозвратно отвратил еси лице свое от мира сего, яко от Вавилона греховнаго, и презрев вся красная и благая его, водворился еси в пустыни, чая Бога, спасающаго воителей Своих. Ныне же предстоиши Престолу Божию, наслаждаяся небесных благ, и велие дерзновение имея ко Господу, не забуди нас, к раце мощей твоих усердно притекающих и восхваляющих тя:

Радуйся, житейских сует и мирских соблазнов избежавый; радуйся, иноческое безстрастие и безмолвие стяжавый.

Радуйся, вся благая земли, Небеснаго ради Царствия, за уметы вменивый; радуйся, равноангельное житие до конца возлюбивый.

Радуйся, возненавидевый мира сего греховную сладость; радуйся, восприемый обетование непрестающия жизни.

Радуйся, облеченный славою Небеснаго Царствия; радуйся, сокровище некрадомое и нетленное обретый.

Радуйся, о Церкви Христовой, на земли воинствующей, молитвенниче небесный; радуйся, о всех верных, на поклонение к тебе притекающих, предстателю.

Радуйся, отче наш Савво, чудотворче преславный.

Кондак 3

С илою, излиянною на тя свыше, возшед на высоту добродетелей, постом и бдением, молитвами и целомудрием, яко многоценным венцем благоустроения иноческаго, повсюду просиял еси: сего ради вси велика и преславна тя почитаху. Ты же, бегая славы от человек, пребывал еси яко един от простых, труждаяся паче всех и поя хвалу единому, в Троице славимому, Богу: Аллилуиа.

Икос 3

И меяй душу, смиренномудрия исполнену, аще и устрашался бремене начальства, обаче не преслушав воли Божия, приял еси порученное тебе стадо Христово и добре в пасении его пребыл еси. Ныне же, выну предстоя Престолу Божию, благоспоспешествуй молитвами твоими всем, взывающим к тебе:

Радуйся, безпрекословный воли учителя твоего исполнителю; радуйся, добрый стада Христова наставниче.

Радуйся, возлюбленный паче многих избранником Божиим Сергием, от негоже не утаися святыня твоя; радуйся, благовонный крине вертограда церковнаго.

Радуйся, светлый сосуде Божественныя благодати; радуйся, светильниче, не сокрывыйся под спудом, но на свещнице поставленный.

Радуйся, честное Святаго Духа селение; радуйся, преподобных светлое украшение.

Радуйся, иноков в подвизех постнических укрепляяй; радуйся, заблуждшим путь спасения показуяй.

Радуйся, отче наш Савво, чудотворче преславный.

Кондак 4

Б урю страстей и искушений вражиих, препобеждая постом, бдением и молитвами, утолил еси до конца. Ныне убо причащаяся славы небесныя со всеми святыми, предстоиши Царю славы и поеши купно с ними: Аллилуиа.

Икос 4

С лышаще ближнии и дальнии богоугодное твое житие, стекахуся от окрестных стран к тебе, пользы ради: ты же всех любезно приемля, согревал еси сердца их Божественною любовию. К тебе убо и мы припадающе, молим: настави ны, яко отец чада своя, на стези спасения и не забуди взывающих к тебе:

Радуйся, всем прибегающим к тебе наставниче предобрый; радуйся, ищущим успокоения совести собеседниче претихий.

Радуйся, унывающих душ утешителю пресладкий; радуйся, кающихся со умилением ходатаю преусердный.

Радуйся, заблуждающих исправителю прекроткий; радуйся, беззаконных обличителю незлобивый.

Радуйся, к воздержанию и целомудрию путеводителю неослабный; радуйся, борющимся со страстьми помощниче неутомимый.

Радуйся, праваго пути веры и благочестия указателю неложный; радуйся, молящимся тебе от гнева Божия защитниче неотступный.

Радуйся, отче наш Савво, чудотворче преславный.

Кондак 5

Б оготечная звезда явился еси, преподобне отче Савво, от мрака греховнаго хотящим прейти к Солнцу правды, ясно путь показующая. Темже молим тя: просвети и наша сердца, страстьми житейскими омраченная, и способствуй нам достойно воспевати Богу: Аллилуиа.

Икос 5

В идя благоверный князь Георгий смиренномудрие твое, яко уклонился еси от начальственныя власти во обители учителя твоего, устремляяся к пустынному безмолвию, той умоли тя, да вселишися на горах, глаголемых Сторожи. Ты же, изволяя благое послушание явити благому желанию, и обитель иноческую зде составити хотя, рекл еси со пророком: «Се покой мой, зде вселюся, яко изволих и». И скоро на месте сем храм Пресвятыя Богородицы создася, в немже ныне нетлением мощей твоих благоухаеши, и немолчно ко Господу вопиеши о возглашающих к тебе сицевая:

Радуйся, горлице пустыннолюбная и добровидная; радуйся, пустыни доброе прозябение.

Радуйся, цвете присноцветущий; радуйся, смиренномудрием и всякими добродетельми страну сию облагоухавший.

Радуйся, благополезно и мудро прошение князя совершивый; радуйся, церковь прекрасну зде во славу Рождества Богородицы соорудивый.

Радуйся, пустыню во обитель иночества претворивый; радуйся, стаду твоему верный наставниче.

Радуйся, всем притекающим к тебе мир и благословение от Господа молитвами твоими низводящий; радуйся, о всех градех и весех российских молитвенниче неусыпающий.

Радуйся, отче наш Савво, чудотворче преславный.

Кондак 6

П роповеди Евангельския послушав: «Не пецытеся душею вашею, что ясте, или что пиете; ни телом вашим, во что облечетеся»,- упразднил еси сердце твое от житейских забот, питаяся былием пустынным и малоценныя ризы нося. Сего ради нетления одеждою одеялся еси по преставлении твоем, юже от Христа Бога получити и нам испроси, вопиющим Ему: Аллилуиа.

Икос 6

В озсиял еси, яко богосветлое светило, во стране Российстей, всеблаженне отче Савво, озаряя нас лучами добродетелей и чудес твоих, темже вопием ти:

Радуйся, дарованиями Святаго Духа сияющий члене Церкве Христовы; радуйся, преизобилующий истинным к Богу умилением.

Радуйся, подражателю преподобных в совершенном терпении; радуйся, подвигов иноческих ревнителю.

Радуйся, страсти греховныя, силою благодати, в себе умертвивый; радуйся, нищеты и нестяжания образе.

Радуйся, светлое святыни зерцало; радуйся, всех добродетелей рачителю.

Радуйся, немощных целебниче; радуйся, жезле, падающих подкрепляющий.

Радуйся, отче наш Савво, чудотворче преславный.

Кондак 7

Х отящу благоверному князю Георгию воинствовати на супостаты, благословение преподал еси, отче, на одоление, глаголя пророчески: «Изыди, благоверный княже! Господь ти поможет, и врагов твоих одолееши, и благодатию Божиею здрав возвратишися в отечество твое!»,- еже и бысть, по глаголу твоему. Он убо, возвратився от брани с победою и славою, и многими дарми снабдевая обитель твою, воспеваше благодарственно дивному во святых Своих Богу: Аллилуиа.

Икос 7

Н овый подражатель древних ратоборцев на страсти плотския явился еси, отче Савво: от юности бо ум твой вперив к Богу, яко столп веры непоколебимый, даже до старости маститыя пребыл еси в распинании плоти своея со страстьми и похотьми. Сего ради не можаху силы бесовския запинати ногама твоима, ниже успеваху устрашати тя издалеча, от ихже наветов и напастей соблюди неврежденных и нас, торжественно воспевающих тебе:

Радуйся, лику древних постников сопричтенный; радуйся, всенощными молитвами и бдением всю прелесть бесовскую посрамивый.

Радуйся, чистоты и воздержания хранителю; радуйся, страстей душевных и телесных победителю.

Радуйся, воине Христов неустрашимый; радуйся, обдержимым бесовскою силою надежный врачу.

Радуйся, надменных мудрованием плоти к покорению глаголам Божиим приводяй; радуйся, всем напаствуемым от духа льсти духовное зрение и трезвение подаваяй.

Радуйся, духа вражды и любоначалия от притекающих к тебе прогоняяй; радуйся, яко ходатайством твоим даров Святаго Духа, в воинствовании Христовом укрепляющих, сподобляемся.

Радуйся, отче наш Савво, чудотворче преславный.

Кондак 8

С транное чудо сотворил еси, предивный отче Савво, егда нечестивии хотяху расхитити достояние церкве твоея. Они, яко татие, устремляхуся оконцем, еже бе у гроба твоего: зде же велия гора показася им, на нюже взыти несть мощно. Со студом убо возвращшеся отсюду, последи же раскаявшеся, с воплем и слезами, грех свой исповедаша пред всеми, и скоро путь неправды оставльше, в покаянии прочее пожиша, с верою вопиюще Богу: Аллилуиа.

Икос 8

В есь был еси в Бозе, еще сый на земли, в подвизех иноческаго жития: предстоящу бо ти пред лицем Господним на Божественной службе, зримо бываше воспламенение чудное в лице твоем от молитвеннаго в дусе горения к Богу. Овогда же в толиком бе умилении душа твоя, яко источатися потокам слезным от очес твоих неудержимо, ихже ради единонравна тя зряху быти со пророком, глаголющим: «Быша слезы моя мне хлеб день и нощь». Обаче, велие стяжав дерзновение к Богу, не забуди и нас, со слезами печали о гресех своих к твоему заступлению притекающих и вопиющих к тебе:

Радуйся, огнем Божественныя любве ветхаго человека в себе попаливый; радуйся, во плоти, аки безплотен, на земли поживый.

Радуйся, живыми и спасительными слезами огнь похоти угасивый; радуйся, горния радости и блаженства ангельскаго сопричастниче.

Радуйся, за премногую любовь твою к Богу Отцу славою и честию препрославленный; радуйся, за глубокое смирение твое от Христа, Сына Божия, венцем нетления увенчанный.

Радуйся, за чистоту и безстрастие ангельское от Пресвятаго Духа осиянный; радуйся, пречестная обителе Святыя Троицы.

Радуйся, Божия Матере служителю верный и неусыпаяй; радуйся, в храме Ея горе возносивыйся духом, и ныне телом паки пребываяй.

Радуйся, отче наш Савво, чудотворче преславный.

Кондак 9

В сякия беды и скорби избави нас, преподобне отче Савво, твоими теплыми к Богу молитвами, и испроси нам вся, ко временной и вечной жизни потребная, да сподобимся горняго Иерусалима достигнути и купно с тобою воспевати Богу: Аллилуиа.

Икос 9

В итии многовещаннии недоумеют достойно восхвалити тя, богомудре Савво: кто бо доволен разумети вся борения твоя с миродержители тьмы века сего? Или кто изочтет труды, болезни и подвиги твоя, в нихже пустыннолюбное житие совершал еси? Обаче мы, любовию твоею побеждаеми, благодарне тебе зовем:

Радуйся, закона Божия исполнителю всеусердный; радуйся, чистотою и целомудрием многоценнаго бисера честнейший.

Радуйся, в терпении и борении противу плоти адаманта твердейший; радуйся, смиренномудрием и кротостию паче славных земли прославленный.

Радуйся, борющимся со страстьми и похотьми помощниче непобедимый; радуйся, в трудех, бдении и воздержании великим постником подражателю ревностнейший.

Радуйся, в духовной мудрости наставниче благоискуснейший; радуйся, подвигов иноческих показателю рачительнейший.

Радуйся, другу Божию, преподобному Сергию, единонравный; радуйся, к лику другов Божиих на Небеса преселивыйся.

Радуйся, отче наш Савво, чудотворче преславный.

Кондак 10

С пастися хотяще вернии от различных напастей и бед мира сего, тебе теплаго предстателя и молитвенника к Богу предлагаем: не тщетну сотвори нашу надежду на молитвы твоя, но ходатайством твоим избави нас от лютых бед, напастей, искушений и скорбей, да несмущенно, от избытка сердца, глаголем всегда Богу: Аллилуиа.

Икос 10

С тену тя тверду и молитвенника изрядна стяжав, святая обитель твоя и вси страны Российския заступлением твоим хвалятся. Темже и мы грешнии, ко гробу твоему притекше, яко чада отца, молим: заступи и сохрани нас от искушений и скорбей, бед и напастей, молитвами твоими, да взываем ти радостно:

Радуйся, благовонный крине райскаго вертограда; радуйся, кипарисе, верных сердца благовонием услаждающий.

Радуйся, древо благосеннолиственное, имже обитель твоя покрывается; радуйся, неусыпный молитвенниче, желания верных во благих исполняяй.

Радуйся, надеждо и отишие в мори жития сего плавающих; радуйся, твердое ограждение и прибежище усердно Богу работающих.

Радуйся, неисчерпаемый источниче исцелений; радуйся, струе, напаяющая и веселящая жаждущих правды.

Радуйся, яко в скорбех житейских и обстояниих сподобляемся твоего заступления; радуйся, всех усердно притекающих к тебе от искушений и бед скорое избавление.

Радуйся, отче наш Савво, чудотворче преславный.

Кондак 11

П ение всеумиленное приносим ти, преблаженне отче Савво, и со дерзновением молим: вознеси ко Господу о спасении душ наших твою святую молитву, да сподобимся вечно в радости блаженней воспевати Богу: Аллилуиа.

Икос 11

С ветоподательными лучами блистает житие твое, отче наш Савво: всякия бо добродетели Евангельския является в тебе исполнение, темже и глаголем:

Радуйся, сугубыя ради нищеты богатство небесное обретый; радуйся, плачем и умиления слезами утешение вечное приявый.

Радуйся, алкавый и жаждавый правды, ныне же насыщаяйся райским блаженством; радуйся, милостивым обещанное воздаяние улучивый.

Радуйся, чистотою сердца твоего лицезрения Божия достигнувый; радуйся, миротворениями многими в лице сынов Божиих быти сподобивыйся.

Радуйся, терпением правды ради в Царство Небесное водворивыйся; радуйся, образом кротости, тихости и незлобия поучение сущим в озлоблении подаваяй.

Радуйся, примером братолюбия, ко исканию не своих си, но яже ближняго, и наша сердца утверждаяй; радуйся, всех со страхом работающих Господеви радосте.

Радуйся, отче наш Савво, чудотворче преславный.

Кондак 12

Б лагодать, данная ти от Бога, целити недуги душевныя и телесныя, созывает верных ко всечестным мощем твоим: при нихже, и малое моление приносящим, велия благодать от Бога подается, юже приемлюще, друг со другом радостно Богу возглашаем: Аллилуиа.

Икос 12

П оюще велия твоя, досточудне отче, подвиги и труды, ублажаем приснопамятное успение твое: аще бо и преставился еси от нас, но жив сый и по смерти, не отступаеши от нас духом, обаче и мощей твоих рака пред очима нашима видима есть всегда. К тебе убо припадаем, тебе молимся и восхваляем тя сице:

Радуйся, в вере и любви божественной благоговейно от юности и благочестно до маститыя старости поживый; радуйся, многотрудныя и разнообразные во иночестве подвиги добре совершивый.

Радуйся, яко совершеннаго освящения от Духа Святаго исполнен еси; радуйся, чудному учителю твоему уподобивыйся всецелою чистотою и святостию.

Радуйся, яко с богомудрым Сергием на Небесех присно ликуеши; радуйся, яко с ним купно Бога о нас грешных умоляеши.

Радуйся, яко нетлением мощей твоих, аки трубою, проповедуется будущее всех воскресение; радуйся, стране сей и всему отечеству нашему многоценное украшение.

Радуйся, яко тобою монахов множества в подвизех своих укрепление приемлют; радуйся, яко ходатайством твоим вернии и в молвах житейских спасаются.

Радуйся, отче наш Савво, чудотворче преславный.

Кондак 13

О преславный чудотворче и скорый заступниче наш, блаженне отче Савво! Малое сие от нас приношение ныне приим, испроси нам у Христа Бога утверждение в вере и братолюбии, еже быти неврежденным от всяких искушений, бед и напастей, и во грядущем веце мук вечных избавитися всем, вопиющим Ему: Аллилуиа.

Этот кондак читается трижды, затем икос 1-й «Ангел во плоти…» и кондак 1-й «Избранный от Воеводы…».

Молитва

пречестная и священная главо, небеснаго Иерусалима гражданине, Пресвятыя Троицы обиталище, преподобне отче Савво! Велие имея дерзновение ко Всемилостивому Владыце, молися о стаде ограды твоея и о всех по духу чадех твоих: не премолчи вопия за ны ко Господу и не презри верою и любовию чтущих тя. Испроси предстательством твоим у Царя царствующих мир Церкви, под знамением Креста воинствующей; архиереом святительства благолепие, монашествующим доброе в подвизех течение; святей обители сей, граду сему и всем градом и странам охранение; миру безмятежие и мир, глада и пагубы избавление; старым и немощным утешение и подкрепление; юным и младенцем благое в вере возрастание, в Евангельском учении твердое обучение и в чистоте и целомудрии пребывание; вдовицам и сиротам милость и заступление; плененным отраду и возвращение, болящим исцеление, малодушным упокоение; заблуждшим исправление, согрешающим дух сокрушения, бедствующим и всем, благодатныя помощи требующим, благовременну помощь. Не посрами нас, к тебе с верою притекающих; споспешествуй, яко чадолюбивый отец чадом, и нам понести иго Христово во благодушии и терпении; и всех управи в мире и покаянии скончати живот свой непостыдно, и преселитися со упованием во обители небесныя, идеже ты, по трудех и подвизех, ныне водворяешися со Ангелы и святыми, зря и прославляя Бога, в Троице славимаго, Отца и Сына и Святаго Духа. Аминь.

Тропарь, глас 8

П устыни явился еси доброе прозябение, преподобне: от юности бо изволил еси чистое житие, духовному твоему учителю последуя, и того учением ум к Небесным вперив, и стаду твоему премудр наставник показался еси; тем и Христос, яко пресветла тя светильника, чудесы обогати. Савво, отче наш, моли спастися душам нашим.

Кондак, глас 2

Г осподним желанием распалився, страсти плотския воздержанием оттряс, Божественнаго света незаходимое светило явился еси, чудес лучами всех просвещаеши, притекающих к раце мощей твоих, Савво преподобне, отче наш.

Величание

У блажаем тя, преподобне отче наш Савво, и чтим святую память твою, наставниче монахов и собеседниче Ангелов.

Преподобный Савва Освященный родился в V веке в Каппадокии. В 17 лет принял монашество и так преуспевал в посте и молитвах, что был удостоен дара чудотворений. Через десять лет монашеского подвизания преподобный Савва отправился в Иерусалим и до 30-летнего возраста пребывал в близлежащем монастыре со строгим общежительным уставом. После этого затворился в пещере и только по субботам покидал затвор и приходил в обитель, где участвовал в богослужении и принимал пищу. Через некоторое время преподобный Савва в течение пяти лет подвизался в пещере в полном затворе. Он преуспевал в высших иноческих добродетелях. Затем преподобный Савва поселился в одной из пещер, и вокруг него стали собираться ученики. Так возникла великая Лавра. Преподобный Савва основал еще несколько монастырей, написал так называемый «Иерусалимский» устав церковной службы. По его молитвам были явлены многие чудеса. Преставился преподобный в 532 году.

В своих молитвах будем прославлять богоугодную жизнь преподобного Саввы, просить молитвенного заступничества о нас, грешных, чтобы Господь сподобил нас избавиться огня адского. Память преп. Савве Освященному 5 декабря (18 декабря по гражданскому стилю).

——————————————————————

→
Порядок чтения по уставу
——————————————————————

Тропарь, глас 8-й

С лез твоих источники, пустыни безчадное возделал еси. И из глубины воздыханьми, во сто труды расплодил еси. И бысть светилник вселенней, сияя чюдесы, Саво отче наш. Моли Христа Бога, спастися душам нашим. (Дважды).

Слава, и ныне. Богородичен. И же нас ради рождеися от Девы, и распятие претерпев Благии, испровергии смертию смерть, и воскресение явлеи яко Бог. Не презри их же созда рукою Своею, яви человеколюбие Свое Милостиве. Приими рождьшую Тя Богородицу молящуюся за ны, и спаси Спасе наш люди согрешьшыя.

КАНОН, глас 8-й

Песнь 1. Ирмос

В ооружена фараона погрузи чюдотворяи древле, Моисейскии жезл крестообразно прорази, и раздели море. Израиля же бежаща пеша ходяща спасе, песнь Богови возсылающа.

Запев: П реподобне отче Саво, моли Бога о нас (поклон) .

С ветозарением Святаго Духа Саво озари, иже благочестною любовию песньми восхваляющия тя. Постником похвало, инокующим славо, пустыни украсителю, благочестия учителю.

Запев. В се желание к Богу возложив от юности. И к Нему радуяся ум свой вперив, плоти взыграния и страстей находы воздержанием умертвил еси, Саво богоносе прехвалне.

Запев. П обедив иже плодом сокровенаго змия попрал еси, и того сети легко преминул еси благочестия крилы вперився отче. Живот бо радуяся объял еси от сада крестнаго.

Слава. П росвещаемь светом благодати огнь прошед. Яко же трие отроцы пребыл еси не опалимь, Богу тя сохраньшу. И являющу всем хотящии быти тебе успех, послежде отче и совершение.

И ныне. Богородичен. Н е одержимыми на нас смерть стремленьми обложися. Но твоим рожеством приближився погибе, и поборився упразднися Богородице Дево. Жизнь бо воистину присносущную воплощенну родила еси.

Катавасия: И збави от бед рабы своя, преподобне отче Саво, яко вси по Бозе к тебе прибегаем, ты бо молиши о нас Христа Бога нашего (поклон) . Г осподи помилуй (трижды с поклонами) .

Песнь 3. Ирмос

У твержеи небеса в начатце разумом, и землю на водах основав. На камени мя Христе, церковнем утверди. Яко несть свят, паче Тебе Человеколюбче.

Запев. У ма Владыку страстем пребогате учинив, венечник правде явися, ибо лучшему мудре хуждьшее повинул еси. Тем же яко финик отче в пустынях процвел еси.

Запев. П оследовати чистыми стопами Владыце, преселник отечества был еси. И в пустыни живыи, победу воздвигл еси на сопротивных, божественою силою укрепляемь.

Запев. Т вердостию разума всеблаженне укрепляемь, различная вражия коварства обличил еси мудре, и всем явил еси. И гордыню оного возвышеную низложил еси.

Слава. С вященна тя душею, и простоты изволения, добродетельми украшена, видя пресветлая звезда Евфимии прият, и пророчески вещая твою всеблаженне светлость.

И ныне. Богородичен. С пасенаго нас ради словесе смотрения, светла Ты Мати Дево дверь познася воистину. Тобою нам всемысленую зарю показа, пребожественаго Своего божества. Катавасия.

Седален, глас 8-й. К рест Господень взем мудре, и тому даже до конца последова, ум не возвратил еси в мир блаженне. Воздержания же болезньми страсти умертвив, храм уготовал еси себе Господеви своему. Тем же дарованием возмездие приял еси, целити недуги, и отгонити духи, Саво отче наш. Моли Христа Бога, грехов оставление подати, чтущим любовию святую память твою.

Слава, и ныне. Богородичен. Я ко всенепорочная Невеста Творцу, яко не искусомужная Мати Избавителя, приятелище, яко сущи Утешителя всепетая, беззаконию мя суща скверно жилище, и бесом игралище в разуме бывша, потщися сих злодейства мя избавити, свету жилище добродетелми управивши, светоприемнице нетленная. Отжени облак страстей, и вышняго причастия сподоби, и свету невечернему, молитвами си.

Песнь 4. Ирмос

Т ы ми Христе Господь, Ты же и сила ми, Ты ми Бог, Ты ми радование. Не оставль недра отча, но милостию си нашу нищету посетив. Тем с пророком Аввакумом зову, силе Твоей слава Человеколюбче.

Запев. Д ушевное очищая устроение, и разширяя божествеными видении, в местну сию воистину божественым дарованием содела богоблаженне. Возложением же руку своею, болящия исцелил еси, подобник Владыце быв.

Запев. И же на тя отче люте разсверепев, поглощен бысть яко Дафан окаянныи, и яко Авирон потреблься. Тя бо невидимо божественая храняаше благодать, многим промышляя спасение всеблаженне, славныи Саво богомудре.

Запев. З аконом Божиим наказав чюдне чувства, к смотрению безплотных и мысленых своего художества управил еси мысль. Преходя выну от славы в славу, от силы отче в силу.

Слава. Б лагоугодити единоплеменником прилагая. В пустыни грады создал еси, богоподобны и душеполезны. И в земли жадней источники вод изведе, и тучи с небесе, преславно богомудре в безводных селех низведе.

И ныне. Богородичен. Н оворасленыи безсмертия Рай, и красен воистину показася. Древо жизни в Тебе насаждься богоначално, во чреве носящи и раждающи. Еже всем искапая спасения надежу, верно Богородицу мудрствующим Тя. Катавасия.

Песнь 5. Ирмос

В скую мя отрину, от лица Твоего Свете незаходяи, покрыла мя есть чужа тма окаяннаго. Но обратив мя, к свету заповедей Ти пути моя направи молютися.

Запев. Н е уклонною мыслию к Тебе желаемому простираяся, и от Него благодать великих чюдес не завистну прият отче, иже Верно приходящия, милостивно исцелил еси преподобне.

Запев. П лотьских тягостей дебельство отложь, сосуд богоделанныи избран был еси Святому чюдне Духу, отложением брашен и молитвою и пожданием, и смиреномудрием украшен.

Запев. П роповедник божественыи учением велегласен освятися. Собором отче святых сообщник был еси, царей умудряая. Им же яве благодатию божественою ограждаемь, явися блаженне.

Слава. Б огоданая благодать яже тебе от Бога даровася, во всех концех мира прославися, яве творящи боголепно явления, чюдес твоих божественое действо.

И ныне. Богородичен. В ерным предстателнице, и стено необоримая восхваляющим Тя, яко всему роду человеческому явльшееся, спасение Бога рождьши, плотию явльшася, душу мою спаси Пречистая. Катавасия.

Песнь 6. Ирмос

О чисти мя Спасе, многа бо беззакония моя, и из глубины зол возведи мя молюся. К Тебе бо возвах и услыша мя, Боже спасения моего.

Запев. Л юбовь к Богу и к ближнему стяжа, закона и пророк исполняая главизну. Преимущую бо всю изрядно добродетель, отче исправил еси.

Запев. Р авноангельно на земли ты житие восприял еси. Равноангельну же честь Христос тебе дарова, святых чины с путьшествующих души твоей послав.

Слава. П ремудрости отрасль явлься, начало премудрости возжелел еси страх Божии, им же укрепляемь к совершению вместному человеку, отче достигл еси.

И ныне. Богородичен. С паса и Избавителя Бога всех и Господа рождьши, нам плотию приближьшася, спасай Пречистая призывающия Тя от бед Владычице. Катавасия.

Слава, и ныне. Кондак, глас 8-й. Я ко от младенства Богови жертва непорочна приведеся, добродетелию Саво блаженне, садитель был еси благочестия. Тем же бысть преподобным удобрение, гражданин же пустынныи достохвален. Тем же зовем ти, радуися Саво пребогате.

Икос. О отцем верховниче, и преподобным украшение, постником ко Христу дерзновение, пустынныи гражданине и садителю, како воспою твое житие преподобне, облистаеши бо концем яко солнце. Тем же вопию ти, радуися красная каппадоком славо, радуися честное вселенней знамение. Радуися пустыни доброе прозябение, радуися праведником божественное наслаждение. Радуися яко презрел еси текущих и тленных, радуися яко на небесех со ангелы живеши. Радуися инокующим исправление и правило, радуися ленящимся к Богу воздвижение. Радуися источниче чюдес боготочныи, радуися честныи Духу Святому сосуде. Радуися им же украсися восток, радуися им же западная сияют. Радуися Саво пребогате.

Песнь 7. Ирмос

Б ожия схождения огнь устыдеся в Вавилоне древле. Сего ради отроцы в пещи радованною ногою, яко во свете ликоваху, поюще, благословен Бог отец наших.

Запев. О тложил еси временная, вечными возмездився, и со ангелы ликуеши, яко ангельское пожив житие. С ними же и поя, благословен Бог отец наших.

Запев. В опиет благодарно к Господу твоя великая всечестная лавра, жителя и зиждителя и гражданина тя имущи мудре. И хвалящися зовет, благословен Бог отец наших.

Слава. Н епрестанно моля Господа отче Саво о стаде своем. И ныне помолися, твоим трудом вечновати, присно плоды приносящим. И любовию зовущим, благословен Бог отец наших.

И ныне. Богородичен. Н евестник пречист паче словесе слова воплощению, и чертог и престол праве мудрствующии Тя именуем. И радующеся Твоему Сыну зовем, благословен Бог отец наших. Катавасия.

Песнь 8. Ирмос

С едмь седмицею пещь, халдейскии мучитель, богочестивым люте разжже. Силою же лучшею спасеных видев, Творцу и Избавителю вопияше. Дети благословите, священнии воспойте людие, и превозносите Его во веки.

Запев. С веселием преподобне, святых чинове всечестей твоей души предтекут, на месте ослабне в светлых селех, идеже праведных лицы ходяще. С ними же ныне поеши, священнии воспойте людие, и превозносите Христа во веки.

Запев. С транна твоя чюдеса. Звери бо укротил еси, утишив страстей волны. Предглаголеши будущая пророчески. И полки бесовския прогоняеши крепко, бдении же, и молитвами и пощеньми, и креста силою непобедимою богоносе.

Запев. И же Моисеови первее от столпа вещая, столп от земли до небесе, всесветел простерт тебе показа. Идеже ныне лежит терпеливое твое и многострадалное тело. Ему же верою покланяющеся благочестно, поем и превозносим Христа во веки (поклон) .

Слава. Р адостно память твоя совершается всехвалне. В радостотворную бо облечеся добродетель, истиную ризу спасения, и честную и световидную веселия одежду. В ней же ныне красуяся поеши непрестанно, священнии воспойте людие, и превозносите Христа во веки.

И ныне. Богородичен. Н еискусобрачно родила еси, и Девою пребысть. И странным рожеством Своим сокрушивши всяку временную брань, и дальнее отстояние разрушивши, Христа миродателя носящи в недрех Своих. Его же вернии поем, и превозносим во веки. Катавасия.

Песнь 9. Ирмос

У дивися убо о сем небо, и земли ужасошася концы, яко Бог явися человеком плотию. И чрево же Твое бысть пространнее небес. Тем Тя Богородице, ангел и человек чиноначалия величаем.

Запев с поклоном. Б лагоухает твоя рака духовно благовоние, богатно веселящи твоя сыны, тя обстоящия чисто, поминающия преподобне ангельское твое пребывание, и тебе даную светлость и славу и присносущную красоту.

Запев. П роторжеся в пустыни вода, и земля жаждущая в благо бысть, молитвами претворится отче твоими. Постничестии бо лицы всей живут, яко близ реки. Страна Иорданова процвете яко крин, напаяема твоими слезами.

Запев. С ветлость святых на небесех яко праведнику тебе восия отче. Христа бо правду истинную светлость возлюбил еси. Его же житию последуя всеблаженне, уподобився сего живоносней яко же мощно бяше святости.

Слава. Б огатным богоносе сияя светом, и лики ангельския видя, световидно обходяща трисиянныи свет, и приемлюща благодатию боговидныя лучи. Непрестай моля оставлению грехов сподобити поющих тя.

И ныне. Богородичен. Я ко всех превышши земных изрядными Чистая сановы. Бога бо всех тварей Творца во утробу Свою вместила еси. Сего моли яко Милостива, единомышление и мир, и благоустроение и тишину церквам даровати. Катавасия.

Отпуст: Г осподи Исусе Христе, Сыне Божии, молитв ради пречистыя Твоея Матере, и преподобнаго отца нашего Савы Освященнаго, и всех ради святых, помилуй и спаси нас, яко Благ и Человеколюбец. А минь. Г осподи помилуй (трижды) . Исходные поклоны.

Таисия Олейникова .

Помощь небесных покровителей. Полный сборник молитв на каждый день года (зима)

Молитва четвертая
из акафиста

Святая великомученице Христова Варваро! Моли с нами и о нас, рабах Божиих (имена ), умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Таин причастну да дарует, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков. Аминь.

Тропарь великомученице Варваре, глас 8

Варвару святую почтим: вражия бо сети сокруши и, яко птица, избавися от них, помощию и оружием креста, всечестная.

Ин тропарь, глас 4

Агнице всеблаженная Варваро, божественне озарившися светом Святыя Троицы трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся: Егоже моли, великомученице, да спасет души наша.

Кондак, глас 4

В Троице благочестно певаемому последовавши Богу, страстотерпице, идольская притупила еси чтилища; посреде же подвига страдальчествующи, Варваро, мучителей прещения не устрашилася еси, мужемудренная, велегласно поющи присно: Троицу чту, Едино Божество.

Величание

Величаем тя, страстотерпице Христова Варваро, и чтим честное страдание твое, еже за Христа претерпела еси.

Великомученице Варваре молятся, чтоб не умереть без исповеди и святого причащения, об избавлении от скоропостижной или внезапной смерти, у нее просят помощи и заступления за детей, об избавлении от тяжких недугов и болезней.

5/18 декабря

Преподобного Саввы Освященного, Иерусалимского (532).

Святителя Гурия, архиепископа Казанского (1563).

Молитва преподобному Савве Освященному, Иерусалимскому
из акафиста

О предивный и всехвальный угодниче Божий, преподобне отче Савво! Днесь во святем храме твоем, благоговейно предстояще пред святою иконою твоею и радостно совершающе пресветлую память твою, ублажаем тя заступника нашего. Почитающе же твое велие дерзновение пред Господом, смиренно молим тя, преблаженне, приими милостивно от нас хвалебное пение сие, от любве и усердия тебе приносимое. И, яко имеяй велие дерзновение ко Господу, потщися Богоприятным твоим ходатайством испросити у Царя царствующих и Господа господствующих, яко да пробавит великия и богатыя милости Своя на нас грешных, да подаст нам дух правыя веры, дух ведения и любве, дух мира и радости о Дусе Святе, да избавит от бед и напастей, да низпослет вся полезная ко спасению душ наших. Всем же православным да дарует мир, тишину, безмятежие, усердие ко исполнению заповедей Его, изобилие плодов земных, и да избавит всю Российскую страну от глада, труса, потопа, огня, меча, нашествия иноплеменных и междоусобныя брани, смертоносныя язвы и от всякаго зла.

Ей, угодниче Божий, не презри молений наших, но услыши нас, молящихся тебе, и под кровом заступления твоего сохрани нас (и обитель сию) ненаветны от врагов видимых и невидимых, да сподобимся скончати житие наше в покаянии и восприимем вечная благая во Царствии Христа Бога нашего, идеже восхвалим с тобою и всеми святыми достопокланяемое имя Пресвятыя Троицы, Отца и Сына и Святаго Духа, во веки веков. Аминь.

Тропарь преподобному Савве Освященному, Иерусалимскому, глас 8

Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, Савво отче наш, моли Христа Бога спастися душам нашим.

Кондак, глас тойже

Яко от младенства Богу жертва непорочная принеслся еси добродетелию, Савво блаженне, садоделатель быв благочестия. Темже был еси преподобных удобрение, гражданин же пустынный достохвален. Темже зовем ти: радуйся, Савво пребогате.

Величание

Ублажаем тя, преподобне отче Савво, и чтим святую память твою, наставниче монахов и собеседниче Ангелов.

Молитвы святителю Гурию, архиепископу Казанскому

Святителю отче Гурие! Предстояще священной раце многоцелебных мощей твоих, молим тя усердно быти всегда и везде нашим ходатаем, заступником и покровителем. Исходатайствуй пастве твоей мир, тишину, благоденствие, здравие и спасение.

Буди постоянным нашим заступником от всех врагов, видимых и невидимых; покрывай нас от нахождения всех бед, напастей и скорбей, паче же от искушений врага темнаго. Предстоящим же зде и молящимся испроси у Господа Бога ко спасению своему тии просят у Него в своих нуждах и скорбех, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

О архиерею Божий, Гурие святый, предстояй ныне престолу Христову в церкви торжествующей! Не забуди нас, празднующих любовию святую память твою, от горняго возшествия нашу назирай худость. Отче благий, призирай милостивно на чада твоя: пастырю добрый, не презри стада твоего, тобою Богови приобретеннаго. Аще и отлучен еси от грешник святынею твоею, обаче не отлучайся от нас грешных милосердием, присутствуй нам твоими за ны к Богу молитвами. Виждь град, в немже много трудился еси, виждь народ, егоже просветил еси, и буди всем помощник, заступник, покровитель, защититель, промысленник же и управитель жизни нашея. Ходатаю теплый, не премолчи вопия о нас ко Господу, испроси мир мирови, тишину христианскому царству, державствующему же одоление, и всем временная и вечная благая. Аминь.

О священная главо, первый пастыреначальниче и насадителю Казанския церкве, божественным апостолом и первейшим вселенским пастырем верный подражателю, присно предстояй небесному престолу Отца всех щедрот Бога и непрестанно наслаждаяйся Его присносущнаго света и любве! К тебе мы чада паствы твоея, яко не имущии дерзновения возносити мольбы наша ко Господу Богу, усердно прибегаем, и молимся вознести благоприятныя о нас мольбы твоя ко Всевышнему, да дарует всем нам первее всего житие по святым Его заповедем и прощение грехов: потом же да избавит нас в кратком нынешнем веце от находящих на нас, по грехом нашим, неблагорастворения стихий, безплодия, глада, смертоносныя язвы, огня, истребляющаго наша жилища, всяких крамол, нашествия иноплеменных, и всех сопротивных нам видимых и невидимых сил, да дарует же мирное со здравием благоденственное житие. Правительству нашему да дарует прозорливость, нелицеприятие и праведный суд, священству твоея паствы примерную святость, ведение чистыя истины, неохлаждающуюся и немздоимную ревность к Божиим службам, слово зрелое, всегда готовое и солию растворенное, да непрестанно распространяется и укрепляется насажденная тобою вера Православная, и да истребится богоненавистное заблуждение языческое, зловредное нечестие агарянское и вся ереси и расколы душепагубнии: да везде во твоей прежней пастве возглашается и славится всесвятое имя нашего Господа Иисуса Христа со Безначальным Его Отцем, и с Прсвятым и Благим и Животворящим Его Духом, ныне и присно и во веки веков. Аминь.

Тропарь святителю Гурию, архиепископу Казанскому, глас 4

Правило веры и образ целомудрия, учителя добрых дел и наставника спасения, даде тя Господь новопросвещенному граду Казани, в немже приобрел еси новыя от язык люди и привел еси я Христови. Сего ради в память твою радостно сошедшеся, честне празднуем святое твое успение, ты же, отче наш, святителю Христов Гурие, моли Христа Бога спастися душам нашим.

Ин тропарь, глас 4

От младости удаляяся земнаго мудрования и последовав скорбным путем Законоположителю своему Христу Богу. Темже и Он тя воздарова на земли нетлением, на Небесех же со угодившими Ему архиереи ликовствуеши, Гурие святителю, моли Христа Бога подати отечеству нашему на враги победу, и мир мирови, и душам нашим велию милость.

Кондак, глас 6

Истины основание и веры утверждение и в поучениих преизящнаго свемы тя благочестию споспешника, апостолом сопрестольника, страстотерпцем сопричастника, постником купноревнителя, похваляем тя, Гурие святителю, и велия таинника Божия благодати.

Ин кондак, глас 4

Чувственныя страсти победив, чистотою, яко солнце, восзиял еси, чисто житие до конца сохранив, и от неверия в веру многих ко Христу привел еси; Того ради от Бога нетлением почтен, чудесы твоими вся удивил еси. Молим убо тя, святителю Гурие, молитвами твоими от бед избави нас, да зовем ти: радуйся, отче предивный, граду Казани похвало и утверждение.

Величание

Величаем тя, святителю отче Гурие, и чтим святую память твою, ты бо молиши за нас Христа Бога нашего.

Святителю Гурию, архиепископу Казанскому, молятся об избавлении от головной боли и об исцелении глазных болезней.

6/19 декабря

Святителя Николая, архиепископа Мир Ликийских, чудотворца (ок. 345).

Молитвы святителю Николаю, архиепископу Мирликийскому

О всехвальный и всечестный архиерею, великий чудотворче, святителю Христов, отче Николае, человече Божий и верный рабе, муже желаний, сосуде избранный, крепкий столпе церковный, светильниче пресветлый, звездо, осиявающая и освещающая всю вселенную! Ты еси праведник, яко финикс процветший, насажденный во дворех Господа своего, живый в Мирех, миром облагоухал еси и миро приснотекущее благодати Божия источаяй. Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне. О, преизрядный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед! Тебе прославляем и тебе величаем, яко надежду всех христиан, источника чудес, защитителя верных, премудраго учителя, алчущих кормителя, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими богоприятными молитвами вся полезная ко спасению душ и телес наших. Сохрани святую обитель сию (или храм сей), всякий град и весь, и всякую страну христианскую, и люди живущия от всякаго озлобления помощию твоею: вемы бо, вемы, яко много может молитва праведнаго, поспешествующая во благое: тебе же праведнаго, по Преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди, яко добрый и теплый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подай нам руку помощи, и отверзи двери милосердия Божия: понеже недостойни есмы зрети высоту небесную, от множества неправд наших, связани узами греховными, и николиже воли Создателя нашего сотворихом, ни сохранихом повелений Его. Темже преклоняем колена сокрушенна и смиренна сердца нашего к Зиждителю своему, и твоего отеческаго заступления к Нему просим: помози нам, угодниче Божий, да не погибнем со беззаконии нашими, избави нас от всякаго зла и от всякия вещи сопротивныя, управи ум наш и укрепи сердце наше в правой вере, в нейже твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков. Аминь.

О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

О всеблагий отче Николае, пастырю и учителю всех, верою притекающих к твоему заступлению и теплою молитвою тебе призывающих! Скоро потщися и избави Христово стадо от волков губящих е; и всяку страну христианскую огради и сохрани святыми твоими молитвами от мирскаго мятежа, труса, нашествия иноплеменников и междоусобныя брани, от глада, потопа, огня, меча и напрасныя смерти. И якоже помиловал еси триех мужей, в темнице седящих, и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, и избави мя гнева Божия и вечныя казни, яко да твоим ходатайством и помощию, Своим же милосердием и благодатию, Христос Бог тихое и безгрешное житие даст ми пожити в веце сем и избавит мя шуияго стояния, сподобит же деснаго со всеми святыми. Аминь.

О пастырю добрый, учителю и наставниче наш, святителю отче Николае! Ты, ангельски пожив на земли, по преставлении твоем яко ангел благий просиял еси, молящимся тебе присный помощник являяся. Веруем от всея души и помышления, яко твоими неложными ходатайствы и благодатию, обильно дарованное тебе от Господа Спаса нашего, нашему спасению присно способствуеши. Убо и в час сей наша недостойная приими моления: свободи нас твоим заступлением от облежащего нас суесловия и суемудрия, неправоверия и зловерия человеческаго: молися мир всем Дающему низпослати мир церквам, расточенная же во едино собрати, и державу нашу в мире и тишине сохранити. Моли милостиваго Господа, да имиже весть судьбами, спасет нас от прегрешений наших; моли благость Его, о еже милостивно подати нам и всему миру потребная, да непрестанно славим, хвалим, поем и величаем Пресвятое и Великолепое имя Отца и Сына и Святаго Духа, ныне и присно и во веки веков. Аминь.

О всехвальный, великий чудотворче, святителю Христов, отче Николае! Молим тя, буди надежда всех христиан верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель и всем скорый помощник и покровитель, да мирное зде поживем житие и да сподобимся видети славу избранных Божиих на небеси и с ними непрестанно воспевати Единаго в Троице покланяемаго Бога во веки веков. Аминь.

О великий заступниче, архиерею Божий, Николае треблаженне, иже подсолнечную осиявый чудесы, призывающим же тя скорый услышатель являяйся, ихже присно предваряеши и спасаеши, и избавляеши, и от бед всяческих изимаеши, от Бога данною ти чудес и даров благодатию! Услыши мя недостойнаго, с верою тя призывающа и молебное тебе приносяща пение: тебе бо ходатая на умоление ко Христу предлагаю. О пресловущий в чудесех, святителем высото! Яко имеяй дерзновение, скоро Владыце предстани, преподобнии свои руце молебне к Нему простри о мне грешнем, и от Него щедроты благости подаждь ми, и приими мя в свое заступление, и от всех бед и зол мя избави, от нашествия врагов видимых и невидимых свобождая, и тех всех наветы и злохитрства погубляя, и борющих мя во всей жизни моей отражая; прегрешением же моим прощение испроси, и спасена мя Христу представи, и Царствия Небеснаго сподоби улучити за множество Того человеколюбия, Емуже подобает всяка слава, честь и поклонение, со Безначальным Его Отцем, и с Пресвятым и Благим и Животворящим Духом, ныне и присно и во веки веков. Аминь.

О добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Емуже ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков. Аминь.

О великий чудотворче и угодниче Христов, святителю отче Николае! Ты, скорый помощник еси и благостынный заступник всем призывающим тя, паче же сущим в смертных бедах. Таковыя чудеса милосердия ты являл еси во дни жития твоего. Егда же, по смерти твоей, предстал еси престолу Божию, по сем никтоже может исчислити милостей твоих, аще бы и многи языки имел. Ты сохраняеши плавающия по водам; ты многия утопающия спасл еси. Ты храниши в пути, ихже застигоша ветры, великий снег, лютый мраз, множайший дождь. Ты соблюдаеши домы и имения от запаления злонамеренных человек и всеконечнаго сожжения. Ты защищаеши сущия в пути от нападения злодеев. Ты пособствуеши нищим и убогим, избавляяй их от крайняго уныния и грехопадения, нищеты ради. Ты заступаеши невинныя от оклеветаний и неправеднаго осуждения. Ты спасл еси от самыя смерти триех мужей, в темнице седящих, имже определено бе посечение мечем.

Тако, тебе даровася от Бога великая благодать молитися за человеки и спасати сущия в беде! Еще же ты прославился еси твоею помощию людем между неверными агаряны.

Мне ли токмо, злосчастному и бедствующему, не поможеши, аще и сам аз сей жребий уготовах себе? Заступи убо и мене от уныния и отчаяния, зле обстоящих мя. О великий угодниче Николае! Ты сам претерпел еси заключение в темнице за святую веру и, яко ревностный пастырь Христов, сам познал еси, сколь тяжко лишение свободы и во узах пребывание. Коль многим, молящимся тебе во узах, ты помогл еси! Облегчи и мне, сидящему в темнице, сие злоключение. Даруй ми скоро видети конец темничнаго моего пребывания и получити свободу, – не ради продолжения грехов моих, но ради исправления моей жизни! Помолися усердно и о сем, еже избавитися ми вечныя темницы, да твоею помощию спасаемь, прославляю Бога, дивнаго во святых Своих. Аминь.

О святителю Христов Николае! Услыши нас, грешных раб Божиих (имена), молящихся тебе, и моли о нас, недостойных, Содетеля нашего и Владыку; милостива к нам сотвори Бога нашего в нынешнем житии и в будущем веце, да не воздаст нам по делом нашим, но по Своей благости воздаст нам. Избави нас, угодниче Христов, от зол, находящих на нас, и укроти волны страстей и бед, возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно, и во веки веков. Аминь.

О всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа, и твое милостивное предстательство, ныне и присно, и во веки веков. Аминь.