Православные знакомства - Православная Социальная Сеть - Богослужебные тексты, службы (видео и текст): Канон святому Иоанну Предтече. Иоанну Предтече: молитвы

Канон святому Иоанну Предтече

Глас 8. Песнь 1.

Кондак, глас 3

Подобен: Дева днесь:

Канон святому Иоанну Предтече

Глас 8. Песнь 1.
Ирмос: Истрясшему в мори мучительство фараоне, и Исраиля сушею наставльшему поим Христу, яко прославися во веки.

Припев: Святый великий Иоанне, предтече господень, моли Бога о нас.

Предтече, проповедателю покаяния, покаятися ми от души всея, моли Спаса и Господа, ум мой пресвещая и сердце, любовию чтущаго тя.

Яко пустынное краснейшее овча, предтече, мучениче христов ныне в пустыни страстей водворяющася мя настави к жизни покаяния, божественною твоею молитвою.

Слава: Мучащаго мя греха скоро свободи, ходатайством твоим, мудре предтече, молюся, и разруши на мя движимую бесовскую бурю.

И ныне: Спаси мя, Мати истины, обуреваемаго люте от страстей, и часто погружаема, и исправи мя, чистая, ко спасению благоутишному пристанищу.

Ирмос: Утверди наш ум и сердца, небеса словом утверждей, во еже пети и славити Тя во спасение душ наших.

Одожди и мне капли покаяния, иже в реце бездну крестивый благоутробия Господа, всех предтече, мучениче достославне.

Напастными волнами жития всегда умом колеблемь, прибегаю под кров твой, предтече спасов, потщися помощи ми рабу твоему.

Слава: В нощных молитвах призываю дневнаго светильника миру тебе, богоблаженне предтече, просвети моя сердечная чувства.

И ныне: Радуйся от нас, святая Богородице: радуйся, яже радость рождшая миру: радуйся, ручко, из неяже манна небесная всем верным дадеся.

Седален, глас 7: Господи, скверну души моея, милости Твоея иссопом, умилостивлься яко благ омый, Спасе, и очистив от скверны тимения страстей, помилуй мя, Владыко, спаси создание Твое мильбами предтечи Твоего, едине многомилостиве.

Слава, и ныне, богородичен: Предстательница теплая, и заступница христиан еси, Богородице всепетая: темже с предтечею, сына твоего моли обрести нам милость.

Ирмос: Услышах, Господи, смотрения Твоего таинство, разумех дела Твоя, и прославих Твое божество.

Себе самаго плачу, житие неисправлено имея всегда, спаси и ущедри мя, предтече, грехи погибающаго.

В молитвах и молениих, да обрящу тя помощника, блаженне, душу мою укрепляюща, и помышление мое озаряюща.

Слава: Потопляема бурею согрешений, и бедствующа мя, крестителю христов, окорми ко пристанищу божественнаго разума.

И ныне: Смиривши мя высокомудренно живущаго, спаси, пречистая, рождшая вознесшаго смирившееся естество.

Ирмос: От нощи неведения боговедения день во свете лица Твоего, Христе, да возсияет ко утру хваление Твое в сердцах наших.

В нощи жития заблуждшаго мя просвети, славный предтече, светильник сый солнца праведнаго.

В будущем суде, егда имам Господеви предстати, да обрящу тя предстателя, предтече, осуждения мя страшнаго изъимающа.

Слава: Напаствуемаго мя, и искушеньми бесовскими колеблемаго, утверди на камени божественных хотений, приснопеваемый.

И ныне: Яко превышшая всех тварей, Мати божия приснодево, вышша покажи мя вражиих сетей.

Ирмос: Ризу мне подаждь светлу, отдеяйся светом яко ризою, многомилостиве Христе Боже наш.

Секирою покаяния истиннаго, все очисти сердце мое, Иоанне премудре, плодоносно добродетельми соделовая е.

Китом содержимь напастей, из глубины сердца моего взываю ти, предтече: болезней мя лютых свободи.

Слава: Душе моя, покайся тепле, се судище прииде, возникни зовущи: Иисусе Боже мой, предтечи ради Твоего Ты мя ущедри.

И ныне: Едина словом, плотию Слово рождшая, чистая, молимся, избави сетей вражиих душы нашя.

Кондак, глас 3

Подобен: Дева днесь:

Прежде неплоды днесь христова предтечу раждает, и той есть исполнение всякаго пророчества: егоже бо пророцы проповедаша, на сего во Иордане руку положив, явися божия Слова пророк, проповедник вкупе и предтеча.

Икос: Восхвалим ныне господня предтечу, егоже священнику Елисавет роди из ложесн неплодных, но не без семене: Христос бо един вместилище пройде непроходимо без семене. Иоанна неплоды роди: без мужа же сего не роди: Иисуса же, осенением Отца и Духа божия, дева роди чистая: но безсеменному явися от неплодове пророк, проповедник, вкупе и предтеча.

Ирмос: В начале землю основавый, и небеса словом утвердивый: благословен еси во веки, Господи Боже отец наших.

Иже пути господни уготовавый, предтече, к тому же исправи и моя стези, да зову: благословен еси, Боже отец наших.

Проповедниче света, просвети душу мою, и лютыя тьмы, и геенны палящия избави мя прибегающаго к тебе несумненною душею.

Слава: Неплодныя изращение плодовитое сый моего сердца неплодие, во благоплодие претвори твоими молитвами, мудре крестителю христов.

И ныне: Избранная агнице божия Слова, моли из тебе воплощшагося Бога, ко избранным овцам причтати мя в час страшный.

Ирмос: Безначальнаго царя славы, егоже трепещут небесныя силы, пойте священницы, людие превозносите во вся веки.

Вземлющаго грехи мира агнца божия, егоже показал еси всем, моли, крестителю, страсти моя умертвити, и спасти душу мою.

Облегчи бремя души моея, побори борющыя мя, господень крестителю, и неуязвлена мя покажи от тех злодействия.

Слава: Удалился еси бегаяй, пророче, водворился же еси в пустыню непроходную, темже тя молю: страсти души моея пусты сотвори вскоре.

И ныне: Лоза еси, дево, яже грозд зрел рождшая, умиления питием наполняющи мя ныне, отъими пиянство зол моих.

Ирмос: Проявленное на горе законоположнику во огни и купине рождество приснодевы, в наше верных спасение, песньми немолчными величаем.

Хотящу ми страшному Твоему предстати престолу, Слове, и деяний моих истязаемей быти вине, который обрящу ответ, окаянный, Твоего ради крестителя, Господи Боже мой, тогда пощади мя.

Яко глас Слова, исправи гласы моя к Богу, премудре крестителю, и избави мя злобы бесовския и искушения человек: да по долгу ублажаю тя.

Слава: Напитай мя пищею безсмертною христовых заповедей: напой мя питием животным, крестителю и пророче: и представи Бога спасена, под кров твой притекающаго.

И ныне: Владычице дево чистая и препрославленная: с предтечею сына твоего и царя моли, от всякия нужды спасти верою тя блажащыя.

Молитва ко святому Иоанну предтечи.

Крестителю христов, проповедниче покаяния, кающагося не презри мене, но совокупляяся с вои небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю: пригвожден бо есть ум мой земным вещем: что сотворю; не вем, и к кому прибегну, да спасена будет душа моя; токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех: ибо ты сподобился еси коснутися верху царя Христа, вземлющаго грехи мира, агнца божия: егоже моли за грещную мою душу, да поне от ныне, в первыйнадесять час понесу тяготу благую, и прииму мзду с последними. Ей, крестителю христов, честный предтече, крайний пророче, первый во благодати мучениче, постников и пустынников наставниче, чистоты учителю и ближний друже христов, тя молю, к тебе прибегаю, не отрини мене от твоего заступления, но возстави мя падшагося многими грехи, обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно. Очисти мя грехми оскверненнаго, и понуди внити, аможе ничтоже скверно входит, в царствие небесное, аминь.

Глас 2

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь, славно бо прославися.

Припев: Святый великий Иоанне Предтече Господень, моли Бога о нас.

Крестителю и Предтече Христов, погружаемый всегда сластьми телесными ум мой управи и волны страстей укроти, яко да в тишине Божественней быв, песнословлю тя.

Недоуменным просветився просвещением, яко многосветлая звезда, мысленному Востоку предтекл еси, Имже озаритися сердцу моему, Крестителю, моли, омраченному всеми бесовскими приложении.

Слава Отцу и Сыну и Святому Духу. В реце бездну иногда, Всемудре, погрузил еси, потоп содевающую благодатию всего преступления. Но молюся, потоки, блаженне, моих прегрешений изсуши, Божественным ходатайством твоим.

И ныне и присно и во веки веков. Аминь. Чистыя, Девы, Бога воплотившия, сродник был еси, блаженне Предтече, с Нею же тя чтим и молим, иже в Божественнем храме твоем ныне живуще, храмы и нас сотвори Духа Святаго.

Песнь 3

Ирмос: На камени мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен паче Тебе, Господи.

Исцели струпы души моея и ум мой, омраченный небрежением, озари Божественным твоим ходатайством, Господень Предтече, и всякаго избави мя сопротивнаго обстояния, молюся.

Неплодствие разрешил еси рождшия, родився Божиим промышлением, премудре пророче; неплодное убо сердце мое плодоносно ныне соделай, Господень Предтече, ходатайством твоим, добродетелей приносити прозябения.

Слава Отцу и Сыну и Святому Духу. Любовию твоею созидающаго Божественный дом, вышняго жития улучити моли: и иже верою храму твоему служащия, храмы Духа Божественнаго сотвори, Крестителю и Предтече, ходатайствы твоими.

И ныне и присно и во веки веков. Аминь. Веселяшеся Предтеча, в ложеснах носим матерних, и покланяшеся Господу, носиму в ложеснах Твоих, Благодатная, Егоже моли от веяния скорби избавити мя.

Седален, глас 2

Благоутробия ради милости, Блаже ти Твое создание, Христе, пришел еси, преклонь небеса схождением Твоим. Темже страшное смотрение Твое, поюще, вопием Ти: мольбами Предтечи Твоего очищение грехов подаждь нам, яко Един благоутробен.

Слава Отцу и Сыну и Святому Духу, и ныне и присно и во веки веков. Аминь.

Богородичен

Предстательнице теплая христианом, Сыну Твоему молися присно, Богородице, всякаго злодейства и огорчения избавити нас борца и дати нам прощение, в нихже согрешихом, за милосердие щедрот, Твоими молитвами, Мати Дево.

Песнь 4

Ирмос: Пришел еси от Девы, не ходатай, ни ангел, но Сам, Господи, воплощся и спасл еси всего мя человека. Тем зову Ти: слава силе Твоей, Господи.

Преклоншему небеса и человеком беседовавшу, главу преклонил еси десницею твоею, пребогате; еюже мя соблюди, во смирении сохраняя сердце мое.

Пустыня тебе гражданина непроходная имяше, блаженне Предтече, темже вопию ти: пусту всякаго Божественнаго деяния бывшу душу мою, плодоносну сотвори.

Закон Божественный управляя, беззаконно заклан был еси. Темже молюся тебе: беззаконнующа мя всегда и прельщаема бесовскими прелыщенми исправи.

Слава Отцу и Сыну и Святому Духу. Создав себе храм Владыце Царю, к Божественным селением ныне пришел еси, Предтече: яже получити моли, тебе пресвятый дом Воздвигшаго.

И ныне и присно и во веки веков. Аминь. Призри на мя недугующаго, Всенепорочная, и разреши страсти моя лютыя и неудобоисцельныя, яко да величаю Тя, возвеличившую все человечество.

Песнь 5

Ирмос: Просвещение во тьме лежащих, спасение отчаянных, Христе Спасе мой, к Тебе утренюю, Царю мира, просвети мя сиянием Твоим: иного бо разве Тебе Бога не знаю.

В течениих Иорданских струю нетления, Предтече, крестив Христа, моли, истекания страстей моих изсушити, и потоки сладостныя наследовати и праведных красная радования.

Уже рыдаю, и содрогаюся страхом, и недоумением всегда содержимь есмь, помышляя моя соделанная и будущий суд ужасный: Благоутробне Господи, пощади мя Твоего Крестителя мольбами.

Законополагаяй людем спасение, Предтече, в раскаянии прегрешений бывшее, посреде закона и благодати стал еси. Сего ради молим тя, образми покаяния нас просвети.

Слава Отцу и Сыну и Святому Духу. Даждь ми время покаяния, унынно прешедшее все иждившему, Благодетелю, имея на сие молящаго Тя, Слове, Иоанна великаго, Предтечу и покаяния всемирнаго проповедника.

И ныне и присно и во веки веков. Аминь. Наветы и ловлении льстиваго умертвихся, Владычице Всенепорочная, оживи мя, яже рождшая Живот всех, Богородице, ипостасный, да и Тя пою благочестно Всенепорочную.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Глас Слова проповедывай, всех гласы восприем, проси грехов прощение даровати верою поющим тя.
Сокрушение души моея исцели, и грехов бремя разреши, и паче надежды спаси мя молитвами твоими, блаженне Предтече.

Слава Отцу и Сыну и Святому Духу. Иисуса, Егоже рукою твоею крестил еси, Предтече, моли, руки греха избавити мя, взимающа к Нему руце присно, всеславне.

И ныне и присно и во веки веков. Аминь. Дреманием леностным одержимь есмь, сон греховный тяготит сердце мое: Твоим, Пречистая, бденным ходатайством, воздвигни и спаси мя.

Кондак, глас 3

Прежде неплоды днесь Христова Предтечу рождает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.

Икос

Восхвалим ныне Господня Предтечу, егоже священнику Елисавет роди из ложесн неплодных, но не без семене: Христос бо един вместилище пройде непроходимо без семене. Иоанна неплоды роди, без мужа же сего не роди: Иисуса же, осенением Отца и Духа Божия, Дева роди Чистая. Но безсеменному явися от неплодове пророк, проповедник, вкупе и Предтеча.

Песнь 7

Ирмос: Богопротивное веление, беззаконнующаго мучителя высок пламень вознесло есть; Христос же простре богочестивым отроком росу духовную, сый благословен и препрославлен.

Из корене секирою твоего покаяния исторг язвы страстнаго сердца моего, всади, Предтече, Божественное безстрастие и страх чистейший Божий, всякия злобы отчуждающий мя.

Во струях Иорданских яко крестил еси покрывающаго водами превыспренняя Господа, Того моли воду даровати Божественнаго умиления присно очима моима, славный Предтече.

Слава Отцу и Сыну и Святому Духу. Иже миру вземлющаго грех, Агнца Божия, Предтече, проповедав, Того моли от козлищ части явити мя чужда, и десным Его овцам и мене сочетати, славне.

И ныне и присно и во веки веков. Аминь. Неплодная утроба носяше Тя, Дево, во чреве носившую Слово воплощенно: Егоже Божественными взыгрании великий Предтеча, неплодныя всесвятый плод, позна радуяся и поклонися.

Песнь 8

Ирмос: Пещь иногда огненная в Вавилоне действа разделите, Божиим велением халдеи опаляющая, верныя же орошающая, поющия: благословите, вся дела Господня, Господа.

Даждь десницу мне, на земли лежащему, Предтече, иже десницу простер, омыл еси водами Несквернаго: и избави мя скверны телесныя, всего мя очищая покаянием, и спаси мя.

Имущи, душе, время покаятися, лености тяжчайший сон оттряси и спешно побди, вопиющи Владыце твоему: Милосерде, ущедри мя, Крестителя Твоего мольбами.

Потоцы страстей и воды злобы до души моея внидоша: блаженне Предтече, потщися скоро изъяти мя, иже речными струями измыл еси безстрастия тишайшую пучину.

Слава Отцу и Сыну и Святому Духу. Увы мне, многа зла сотворшему! Увы мне, единому прогневавшему Бога Преблагаго! Крестителю Христов, помози ми, и подажь прегрешений моих разрешение, и долгов моих отсечение ходатайствы твоими.

И ныне и присно и во веки веков. Аминь. Вышняго Бога плотию рождшая, от гноя мя возстави страстей, оскорбляющих мя: и люте всего обнищавша, Божественными обогати, Пречистая, добродетельми, яко да воспою Тя спасаемь.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная, тем Всепетую Богородицу величаем.

Кала мя избави греховнаго, Господи Безгрешне Едине и Многомилостиве, Крестителя мольбами, иже Тебе проповеда всему миру Агнца Божия, вземлющаго человеков грехи.

Яко шипок благовонен, яко благоуханный кипарис, яко неувядаемый крин, яко миро честно имеяй тя, Господень Предтече, моих дел злосмрадия избавляюся молитвами твоими, притекая к покрову твоему.

Неплодствовати мя неплодными делы, всеблаженне, сотвори, добродетелей благоплодие присно приносяща, чадо мя Господне творя, и причастника Божественному Царствию, и святых собору купножителя.

Слава Отцу и Сыну и Святому Духу. Нам любящим тя, любовию почитающим, и в Божественнем храме твоем ликующим, даждь с небесе разрешение лютых, Предтече Господень, и жития исправление, и прегрешений избавление.

И ныне и присно и во веки веков. Аминь. Носиму во утробе Богоматерни, вся носящему манием, поклонился еси, пророче: с Неюже моли смиренней спастися души моей, во многая впадающей по вся дни согрешения.

Молитва ко святому Иоанну Предтече

Крестителю Христов, проповедниче покаяния, кающагося не презри мене, но совокупляяся с вои небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю: пригвожден бо есть ум мой земным вещем. Что сотворю? Не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый мучениче, постников и пустынников наставниче, чистоты учителю, и ближний друже Христов! Тя молю, к тебе прибегаю: не отрини мене от твоего заступления, но возстави мя низверженнаго многими грехи; обнови душу мою покаянием, яко вторым крещением, понеже обоего начальник еси: крещением омываяй прародительский грех, покаянием же очищаяй коегождо дело скверно. Очисти мя, грехами оскверненнаго, и понуди внити, аможе ничтоже скверно входит, в Царствие Небесное. Аминь.

Иоанн Креститель - пророк, который был прославлен Церковью и людьми в веках. Его праведность в честности, а она, как известно, - верный путь к праведной вере и вечной благодати. Молитва Иоанну Крестителю Предтече - одна из величайших в православии. В ней - любовь к Господу и праведная вера, которые дают силу и надежду каждому христианину. Она преисполнена покаяния и смирения, что ведут человека к покаянию и Божьему всепрощению.

——————————————————————

→
Порядок чтения по уставу
——————————————————————

Тропарь, глас 2-й

П амять праведнику с похвалами, тебе же довлеет свидетельство Господне Предотече, явил бо ся еси воистину пророк честнейши, яко и в быстринах крестити сподобился еси проповеданнаго. Тем же и за истину пострадав, радуяся благовестил еси и во аде сущим, Бога явльшагося плотию, вземлющаго грехи мира, и подающаго нам велию милость.

Слава, и ныне. Богородичен. В ся паче смысла, вся преславная Твоя Богородице таиньства, чистотою запечатленна, и девьством хранима, Мати разумеся неложна, Бога рождьши истиннаго, Того моли спастися душям нашим.

Канон, глас 2-й

Песнь 1. Ирмос

В о глубине потопи древле, фараонитская вся воиньства, преоружена сила. Воплощьжеся Слово, преспеющыя грехи потребил есть, преславныи Господь, яко прославися.

Запев: С вятыи великии Иоанне пророче и Предотече Господень, моли Бога о нас (поклон) .

К рестителю и Предотече Христов, погружаемыи всегда сластьми телесными, ум мой укрепи, и волны страстей укроти, яко да в тишине божественей быв, присно славлю тя.

Запев. Н едоуменным просветився просвещением, яко многосветлая звезда, мысленому востоку предтекл еси. Им же озаритися сердцу моему Крестителю моли, омраченному всеми бесовскими приложении.

Слава. В реце бездну иногда всемудре погрузив, поток содевающу благодатию всего преступления. Но молюся, потоки пребогате моих прегрешении изсуши, божественым ходатайством си.

И ныне. Богородичен. Ч истыя Девы иже Бога воплотившия сродник был еси, блаженне Предотече. С Нею же тя чтем и молим, иже в небеснем храме твоем ныне живуще, храмы и нас сотвори Духу Святому.

Катавасия: И збави от бед рабы своя, снятыи великии Иоанне пророче и Предотече Господень, яко вси по Бозе к тебе прибегаем, ты бо молиши о нас Христа Бога нашего (поклон) . Г осподи помилуй (трижды с поклонами) .

Песнь 3. Ирмос

Н а камени мя веры утверди, разшири уста моя на враги моя. Возвеселибося дух мой воспевати, несть свята, яко же Бог наш. И несть праведна, паче Тебе Господи.

Запев. И сцели струны души моея, и ум мой омраченыи леностию, озари божественым си ходатайством, Господень Предотече, и всяких избави мя сопротивных обстоянии молюся.

Запев. Н еплодьствие разрешил еси рождьшей, родився Божиим промышлением премудре пророче. Неплодное убо сердце мое, плодоносно ныне соделай ходатайством си, добродетелей приносити изращения.

Слава. И же любовию ти создавыи божественаго храма, вышняго жития улучити моли, иже верою в храме твоем служащих. Храмы Духу Божественому сотвори, Крестителю и Предотече молитвами си.

И ныне. Богородичен. В еселяшеся Предотеча в ложеснах носим матерних, и покланяшеся Господу носиму во утробе Твоей Богорадованная. Его же моли, от всякия скорби избавити нас. Катавасия.

Седален, глас 2-й. М илосердия ради милости Блаже, спасти Свое создание Христе прииде, преклонь небеса схождением Своим. Тем же страшное смотрение Твое поюще вопием Ти, мольбами Предотечи Твоего очищение грехов подаждь нам, яко Един благоутробен.

Слава, и ныне. Богородичен. П редстательнице теплая християном, Сыну Своему молися присно Богородице, всякого злодейства и огорчения избавити нас борца. И дати нам прощение, в них же согрешихом, за милосердие щедрот, Твоими молитвами Мати Дево.

Песнь 4. Ирмос

П ришествовав от Девы, не ходатай ни Ангел, но Ты Сам Господи воплощься, и спасе всего мя человека. Тем вопию Ти, слава силе Твоей.

Запев. П реклоньшему небеса, и человеком примесившуся, главу преклонил еси десницею своею пребогате. Ею же мя сохрани, во смирении соблюдая сердце мое.

Запев. П устыня тебе гражданина непроходна имяше, многоплодна бысть блаженне Предотече. Тем же вопию ти, пусту всяческих божественых деянии бывшю, душу мою сотвори плодоносну.

Запев. З акон божественыи управляя, беззаконно закалаешися. Тем же молимся ти, беззаконнующа мя всегда, и потопляема бесовьскими прельщении, исправи.

Слава. С оздав сам себе храм Владыце Царю, к божественым жилищем ныне прешел еси Предотече. Их же получити моли, иже Тебе пресвятыи храм воздвигшаго.

И ныне. Богородичен. П ризри на мя болящаго Всенепорочная, и разреши страсти моя лютыя, и неудобь исцельныя, яко да величаю Тя, возвеличившую все человечество. Катавасия.

Песнь 5. Ирмос

П росвещение во тме лежащим, и спасение неначаемым Христе Спасе мой, к Тебе утреннюю Царю мирныи, просвети мя сиянием си, иного бо разве Тебе бога не знаем.

Запев. В течениих Иорданския воды не истления Предотече крестив Христа, моли, источения страстей моих изсушити, и потоки пищныя наследовати, и праведных краснаго радования.

Запев. У же рыдаю и сотерзаюся страхом, и недоумением всегда содержим есмь, помышляю моя деяния, и будущаго судища ужас, благоутробне Господи пощади мя, Твоего Крестителя молением.

Запев. З акон полагая людем спасеныи, в раскаянии Предотече, прегрешений бывшим, посреде закона и благодати став. Сего ради молим тя, образы покаяния нас просвети.

Слава. Д аждь ми время покаяния, унынием прешедшу все, и изжившееся Благодетелю. Имея на се молящаго Тя Слове, Иоанна великаго Предотечу, и покаянию всекраснаго проповедника.

И ныне. Богородичен. Н аветми и ловлении льстиваго умертвихся, Владычице всенепорочная оживи мя, рождьшая Богородице всем живот составныи, да Тя пою благочестно Всепетую. Катавасия.

Песнь 6. Ирмос

В бездне греховней одержимь, неизследную милосердия Твоего призываю бездну, от тли Боже мой возведи мя.

Запев. Г лас Слова проповедавыи, всех гласы приимати проси, и грехов прощение даровати, иже с любовию поющим тя.

Запев. С окрушение души моея исцели, и грехов бремя разреши, и паче надежди спаси мя, молитвами си блаженне Предотече.

Слава. И суса Его же рукою своею крести, Предотече моли, рукою избавити мя грехи взимающа, к Вышнему руце всегда воздвизающа.

И ныне. Богородичен. Д ремание леностно одержит мя, сон греховныи тяготит сердце мое, Твоим Пречистая бденным ходатайством, воздвигни и спаси мя. Катавасия.

Слава, и ныне. Кондак, глас 3-й. Н еплоды днесь Христова Предотечу ражает, и той есть совершение всякаго пророчества. Его же бо пророцы проповедаша, на Том во Иордане руку положив. И явися Божию слову пророк и проповедник, вкупе и Предотеча.

Икос. В осхвалим ныне Господня Предотечу, его же священнику Елисаветь роди, из ложесн неплодныя, но не без семене. Христос бо Един вместилище пройде, не проходимо без семене. Иоанна неплоды роди. Без мужа же сего не роди. Исуса же осенением Отца и Духа Божия, Девая рода чистая. Но безсеменному явися от неплодове, пророк и проповедник вкупе и Предотеча.

Песнь 7. Ирмос

Б огопротивно веление, беззаконнующа мучителя, высок пламень вознесло есть. Христос же простер богочестивым детем, хлад духовныи, сын благословен и препрославлен.

Запев. К орение яко секирою, твоею молитвою, посекая пострекателя страстей сердца моего, всади Предотече божественаго безстрастия страх, неразумия же моего яже к Богу, и всякия злобы отчуждая мя.

Запев. В струях Иорданских, яко крестил еси, покрывающаго водами превыспренняя Господа, Того моли, воду даровати божественаго умиления присно очима моима, славныи Предотече.

Слава. И же миру вземлющаго грехи, Агньца Божия Предотече проповедав, Того моли от козлищ части явити мя чужда, и десным его овцам, мене счетати славне.

И ныне. Богородичен. Е гда убо неплодная утроба носила Тя Дево, во утробе носившую Слово воплощенно. Его же божественым взыгранием, великии Предотеча неплодныя всесвятое прозябение познав, радуяся поклонися. Катавасия.

Песнь 8. Ирмос

П ещь огнена иногда в Вавилоне, детели разделяше божественым велением, халдеи опаляющи, верныя же прохлаждающи поющих, благословите вся дела Господня Господа.

Запев. Д аждь десницу мне на земли лежащему, иже десницу простер Предотече, и омыл еси водами Несквернаго, и избави мя скверн телесных, всего мя очищая покаянием, и спаси мя.

И мущи душе время покаятися, лености тяжкии сон оттряси, и спешно побди, вопиющи Владыце своему, Милосерде ущедри мя, Крестителя Твоего мольбами.

Запев. П отоцы страстей, и воды злобы до души моея внидоша, блаженне Предотече, потщися скоро изяти мя, иже речными струями измыв, безстрастия тихую пучину.

Слава. У вы мне много зла сотворшему. Увы мне единому, прогневавшему Бога Преблагаго; Крестителю Христов помози ми, и подаждь прегрешением моим разрешение, и долгов ми отсечение ходатайством си.

И ныне. Богородичен. В ышняго Бога плотию Рождьшая, от гноя мя возведи страстей оскорбляющих мя, и люте всего обнищавша, и божествеными обогати мя добродетельми Пречистая, яко да пою Тя спасаем. Катавасия.

Песнь 9. Ирмос

Б езначальна Родителя Сын, Бог и Господь, воплощься от Девицы нам явися, омрачныя просветити, и собрати расточеныя. Тем же всепетую Богородицу величаем.

Запев с поклоном. К ала мя избави греховнаго Господи, безгрешне Едине Многомилостиве, Крестителя мольбами, иже Тебе проповеда всему миру Агньца Божия, вземлющаго человеком грехи.

Запев. Я ко шипок благовонен, яко благоуханныи кипарис, яко неувядаемыи крин. Яко миро честно, имею тя Господень Предотече. Моих дел злосмрадия, да избавлюся молитвами твоими, прибегая под кров твой.

Запев. Н еплодьствующа мя безплодием всеблаженне, сотвори делателя добродетелей, благочадие присно приносити, чадо мя Господне творя, и причастника Божественому Царствию, и святых собор единожителя.

Слава. Н ам любящим тя, и верою блажащим, и в божественем храме твоем ликующим, подаждь с небесе разрешение лютых Предотече Господень, и житию исправление.

И ныне. Богородичен. Н осимому во утробе Богоматерне, иже вся носящему манием, поклонился еси пророче. С Нею же моли, смиренней спастися души моей, во многая впадающи по вся дни согрешения. Катавасия.

Задостойник: В ладычице приими молитву раб Своих, и избави нас от всякия нужды и печали. Ты еси Богородице, оружие наше и стена. Ты еси заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси пренепорочную Матерь Христа Бога нашего, Юже осени Дух Пресвятыи.

Отпуст: Г осподи Исусе Христе Сыне Божии, молитв ради пречистыя Твоея Матере, и святаго великаго пророка и Предотечи, Крестителя Господня Иоанна, и всех ради святых, помилуй и спаси нас, яко Благ и Человеколюбец. А минь.

Канон Святому Иоанну Предтече

Тропарь, глас 2

Память праведнаго с похвалами, / тебе же довлеет свидетельство Господне, Предтече: / показал бо ся еси воистинну и пророков честнейший, / яко и в струях крестити сподобился еси Проповеданнаго. / Темже за истину пострадав радуяся, / благовестил еси и сущим во аде Бога, явльшагося плотию, / вземлющаго грех мира / и подающаго нам велию милость.

Канон


Песнь 1

Ирмос: Во глубине постла иногда / фараонитское всевоинство преоруженная сила, / воплощшееся же Слово всезлобный грех потребило есть: / препрославленный Господь славно бо прославися.

Припев:

Крестителю и Предтече Христов, / погружаемый всегда сластьми телесными ум мой управи / и волны страстей укроти, / яко да в тишине Божественней быв, песнословлю тя.
Недоуменным просветився просвещением, / яко многосветлая звезда, мысленному Востоку предтекл еси, / Имже озаритися сердцу моему, Крестителю, моли, / омраченному всеми бесовскими приложении.

Слава: В реце бездну иногда, Всемудре, погрузил еси, / потоп содевающую благодатию всего преступления. / Но молюся, потоки, блаженне, моих прегрешений изсуши, / Божественным ходатайством твоим.
И ныне: Чистыя Девы, Бога воплотившия, / сродник был еси, блаженне Предтече, / с Нею же тя чтим и молим, / иже в Божественнем храме твоем ныне живуще, / храмы и нас сотвори Духа Святаго.

Песнь 3

Ирмос: На камени мя веры утвердив, / разширил еси уста моя на враги моя, / возвеселибося дух мой, внегда пети: / несть свят, якоже Бог наш, / и несть праведен, паче Тебе, Господи.

Припев: Святый великий Иоанне Предтече Господень, моли Бога о нас.

Исцели струпы души моея / и ум мой, омраченный небрежением, / озари Божественным твоим ходатайством, Господень Предтече, / и всякаго избави мя сопротивнаго обстояния, молюся.
Неплодствие разрешил еси рождшия, / родився Божиим промышлением, премудре пророче; / неплодное убо сердце мое / плодоносно ныне соделай, Господень Предтече, ходатайством твоим, / добродетелей приносити прозябения.
Слава: Любовию твоею созидающаго Божественный дом, / вышняго жития улучити моли, / иже верою храму твоему служащия, / храмы Духа Божественнаго сотвори, / Крестителю и Предтече, ходатайствы твоими.
И ныне: Веселяшеся Предтеча, в ложеснах носим матерних, / и покланяшеся Господу, носиму в ложеснах Благодатныя, / Егоже моли от всякия скорби избавити мя.

Господи, помилуй (трижды)

Захариин глас светло разреши / Словесе глас рождься, Предтеча, / и закона неплодие всем показа, зовый: / покайтеся, сущии на земли, / се бо прииде и явися Иисус, / вся хотя избавити от первыя клятвы, просвещая Крещением. / Воистинну чудо преславно!

Слава, глас 4. Подобен: Удивися: Якоже солнце светло, из чрева Елисавети возсия нам Захариин сын, / и отчее разреши безгласие, / и всем людем в дерзновении мнозе, исправите, – вопия, – путь Господень, / ибо Той свободит и спасет к Нему притекающия. / Егоже проповедал еси, Иоанне, моли спастися душам нашим.
И ныне, Богородичен: Обновила еси, Чистая, Божественным Рождеством Твоим / истлевшее во страстех земнородных мертвенное существо / и воздвигла еси вся от смерти к животу нетления. / Темже Тя по долгу блажим вси, Дево Препрославленная, якоже прорекла еси.

Песнь 4

Ирмос: Пришел еси от Девы не ходатай, ни Ангел, / но Сам, Господи, воплощся, / и спасл еси всего мя, человека. / Тем зову Ти: слава силе Твоей, Господи.

Припев: Святый великий Иоанне Предтече Господень, моли Бога о нас.

Преклоншему небеса и человеком беседовавшу, / главу приклонил еси десницею твоею, пребогате; / еюже мя соблюди, / во смирении соблюдая сердце мое.
Пустыня тебе гражданина непроходная имяше, блаженне Предтече, / темже вопию ти: / пусту всякаго Божественнаго деяния бывшу, / душу мою снабди.
Закон Божественный управляя, / беззаконно заклан был еси. / Темже молюся тебе: / беззаконнующа мя всегда / и прельщаема бесовскими прельщеньми исправи.

Слава: Создав себе храм Владыце Царю, / к Божественным селением ныне прешел еси, Предтече, / ихже получити моли, тебе пресвятый дом Воздвигшаго.
И ныне: Призри на мя недугующаго, Всенепорочная, / и разреши страсти моя лютыя и неудобоисцельныя, / яко да величаю Тя, / возвеличившую все человечество.

Песнь 5

Ирмос: Просвещение во тьме лежащих, / спасение отчаянных, Христе, Спасе мой, / к Тебе утренюю, Царю мира, / просвети мя сиянием Твоим, / иного бо, разве Тебе, бога не знаю.

Припев: Святый великий Иоанне Предтече Господень, моли Бога о нас.

В течениих Иорданских струя нетления, / Предтече, крестив Христа, моли, / истекания страстей моих изсушити, / и потоки сладостныя наследовати, / и праведных краснаго радования.
Уже рыдаю, и содрагаюся страхом, / и недоумением всегда содержимь есмь, / помышляя моя соделанная / и будущий суд ужасный, Благоутробне Господи, / пощади мя Твоего Крестителя мольбами.
Законополагаяй людем спасение, / в раскаянии Предтече, прегрешений бывшее, / посреде закона и благодати стал еси. / Сего ради молим тя: / образми покаяния нас просвети.

Слава: Даждь ми время покаяния, / унынно прешедшее все иждившему Благодетелю, / имея на сие молящаго Тя, Слове, / Иоанна великаго, Предтечу и покаяния всемирнаго проповедника.
И ныне: Наветы и ловлении льстиваго умертвихся, Владычице Всенепорочная, / оживи мя, яже рождшая Живот всех, Богородице, ипостасный, / да Тя пою благочестно Всенепорочную.

Песнь 6

Ирмос: В бездне греховней валяяся, / неизследную милосердия Твоего призываю бездну: / от тли, Боже, мя возведи.

Припев: Святый великий Иоанне Предтече Господень, моли Бога о нас.

Глас Слова проповедавый, / всех гласы восприем, / проси грехов прощение даровати / верою поющим тя.
Сокрушение души моея исцели, / и грехов бремя разреши, / и паче надежды спаси мя молитвами твоими, / блаженне Предтече.
Слава: Иисуса, Егоже рукою твоею крестил еси, Предтече, моли, / руки мя избавити греха, / взимающа к Нему руце присно, всеславне.
И ныне: Дреманием леностным одержимь есмь, / сон греховный тяготит сердце мое: / Твоим, Пречистая, бденным ходатайством, / воздвигни и спаси мя.

Господи, помилуй (трижды) Слава, и ныне:

Прежде неплоды днесь Христова Предтечу раждает, / и той есть исполнение всякаго пророчества: / Егоже бо пророцы проповедаша, / на Сего во Иордане руку положив, / явися Божия Слова пророк, проповедник, вкупе и Предтеча.

Икос: Восхвалим ныне Господня Предтечу, / егоже священнику Елисаветь роди из ложесн неплодных, но не без семене: / Христос бо един вместилище пройде непроходимо без семене. / Иоанна неплоды роди, без мужа же сего не роди, / Иисуса же, осенением Отца и Духа Божия, Дева роди Чистая. / Но Безсеменному явися от неплодныя пророк и проповедник, вкупе и Предтеча.

Песнь 7

Ирмос: Богопротивное веление беззаконнующаго мучителя / высок пламень вознесло есть. / Христос же простре Богочестивым отроком росу духовную, / Сый благословен и препрославлен.

Припев: Святый великий Иоанне Предтече Господень, моли Бога о нас.

Из корене секирою твоего покаяния / исторг язвы страстнаго сердца моего, / всади, Предтече, Божественное безстрастие / и страх чистейший Божий, / всякия злобы отчуждающий мя.
Во струях Иорданских, яко крестил еси / покрывающаго водами превыспренняя Господа, / Того моли воду даровати Божественнаго умиления / присно очима моима, славный Предтече.
Слава: Иже миру вземлющаго грех, / Агнца Божия, Предтече, проповедав, / Того моли от козлищ части явити мя чужда, / и десным Его овцам и мене сочетати, славне.

И ныне: Неплодная утроба носяше Тя, Дево, / во чреве носившую Слово воплощенно, / Егоже Божественными взыгрании великий Предтеча, / неплодный всесвятый плод, / позна радуяся и поклонися.

Песнь 8

Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: / благословите, вся дела Господня, Господа.

Припев: Святый великий Иоанне Предтече Господень, моли Бога о нас.

Даждь десницу мне, на земли лежащему, Предтече, / иже десницу простер и омыл еси водами Несквернаго: / и избави мя скверны телесныя, / всего мя очищая покаянием, и спаси мя.
Имущи, душе, время покаятися, / лености тяжчайший сон оттряси / и спешно побди, вопиющи Владыце твоему: / Милосерде, ущедри мя, / Крестителя Твоего мольбами.
Потоцы страстей и воды злобы / до души моея внидоша, блаженне Предтече, / потщися скоро изъяти мя, / иже речными струями измыв / безстрастия тишайшую пучину.
Слава: Увы мне, многа зла сотворшему! / Увы мне, единому прогневавшему Бога Преблагаго! / Крестителю Христов, помози ми, / и подаждь прегрешений моих разрешение, / и долгов моих отсечение твоими ходатайствы.
И ныне: Вышняго Бога плотию рождшая, / от гноя мя возстави страстей, оскорбляющих мя: / и люте всего обнищавша, / Божественными обогати, Пречистая, добродетельми, / яко да воспою Тя спасаемь.

Песнь 9

Ирмос: Безначальна Родителя Сын, Бог и Господь, / воплощся от Девы, нам явися, / омраченная просветити, собрати расточенная. / Тем Всепетую Богородицу величаем.

Припев: Святый великий Иоанне Предтече Господень, моли Бога о нас.

Кала мя избави греховнаго, Господи, / Безгрешне Едине и Многомилостиве, / Крестителя мольбами, / иже Тебе проповедавый всему миру Агнца Божия, / вземлющаго человеков грехи.
Яко шипок благовонен, яко благоуханный кипарис, / яко неувядаемый крин, яко миро честно / имеяй тя, Господень Предтече, / моих дел злосмрадия избавляюся молитвами твоими, / притекая к покрову твоему.
Неплодствовати мя неплодными делы, всеблаженне, сотвори, / добродетелей благоплодие присно приносяща, / чадо мя Господне творя, / и причастника Божественному Царствию, / и святых собору купножителя.
Слава: Нам любящим тя, любовию почитающим, / и в Божественнем храме твоем ликующим, / даждь с небесе разрешение лютых, Предтече Господень, / и жития исправление, и прегрешений избавление.
И ныне: Носиму во утробе Богоматерни, вся носящему манием, / поклонился еси, пророче: / с Неюже моли смиренней спастися души моей, / во многая впадающей по вся дни согрешения.

Светилен, глас 4

Предтечу Иоанна, и крестителя Спасова, / во пророцех пророка и пустыни воспитание, / Елисаветино рождение восхвалим вси.
Слава, и ныне, Богородичен: Сладость Ангелов, скорбящих радость, / христиан предстательница, Дево Мати Господня, / заступи нас, и избави вечных мук.

Молитва святому Иоанну Предтече

Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего; аз бо есмь вертеп злых дел, отнюдь не имеяй конца греховному обычаю; пригвожден бо есть ум мой земным вещем, что сотворю, не вем, и к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия.

Егоже моли за грешную мою душу, да поне от ныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи, обнови душу мою покаянием, яко вторым крещением, понеже обоего начальник еси, крещением омываяй прародительный грех, покаянием же очищаяй коегождо дело скверно. Очисти мя, грехами оскверненнаго и понуди внити, аможе ничтоже скверно входит, во Царствие Небесное, аминь.

Канон Святому Иоанну Предтече

Тропарь, глас 2

Память праведника чтится похвалами, / тебе же довольно свидетельства Господня, Предтеча, / ведь явился ты поистине из пророков славнейшим, / ибо удостоился в струях крестить Проповеданного. / Потому за истину пострадав с радостью, / благовествовал ты и находящимся во аде Бога, явившегося во плоти, / подъемлющего грех мира / и подающего нам великую милость.

Канон
Святому Славному Пророку и Предтече Иоанну,
Творение Преподобного Иосифа, Глас 2
Песнь 1

Ирмос: Некогда погубила во глубине / все войско фараоново превосходнейшая сила, / воплотившееся же Слово истребило зловредный грех, - / препрославленный Господь; / ибо славно Он прославился.

Припев:

Креститель и Предтеча Христов! / Ум мой, постоянно потопляемый / наслаждениями телесными, направь / и страстей волны укроти, / чтобы я тишины божественной достигнув, / в песнях славил тебя.
Неизреченным светом просияв, / как многосветлая звезда, / умопостигаемому Восходу ты предшествовал; / об озарении Им моего сердца, Креститель, умоляй, / омрачаемого всяческими бесовскими нападениями.
Слава: В реке некогда ты погрузил, всемудрый, / Бездну, производящую благодатию / потопление всякого преступления. / Но иссуши, молю, потоки согрешений моих, блаженный, / божественным посредничеством твоим.
И ныне: Чистой Девы, Богу давшей плоть, / был ты сродником, блаженный Предтеча. / С Нею тебя чтим и молим, / мы, в божественном святилище твоем ныне обретающиеся: / сотвори и нас жилищами (Святого) Духа.

Песнь 3

Ирмос: На скале веры меня утвердив, / широко раскрыл Ты против врагов моих уста мои, / ибо возвеселился дух мой, воспевая: / "Нет святого как Бог наш, / и нет праведного более Тебя, Господи!"

Припев: Святой великий Иоанн, Предтеча Господень, моли Бога о нас.

Исцели раны души моей; / ум мой, омраченный небрежением, / озари боговдохновенным твоим посредничеством, / Господень Предтеча, / и избавь меня, молю, / от всякого враждебного несчастья.
Прекратил ты неплодие своей родительницы, / родившись по Божию промыслу, премудрый пророк; / бесплодное же сердце мое плодоносным ныне соделай, / Господень Предтеча, (ходатайством твоим,) / приносящим отрасли добродетелей.
Слава: С любовию воздвигаемой тебе божественной обители / достичь удела вышнего моли; / с верою святилищу твоему служащих / храмами Духа Божественного соделай, / Креститель и Предтеча, посредничеством твоим.
И ныне: Веселился Предтеча, / носимый во чреве материнском, / и поклонялся Господу, носимому / во чреве Твоем, Богоблагодатная; / Его умоляй от всякой скорби избавить меня.

Господи, помилуй (трижды)

Седален, глас 8. Подобен: Повеленное:
Глас Захарии явно разрешил, / родившись, Слова Глас - Предтеча, / и бесплодие Закона всем показал, взывая: / "Покайтесь, на земле живущие, / ибо пришел и явился Иисус / с тем, чтобы всех избавить от древнего проклятия, Крещением просвещая". / Воистину чудо преславное!

Слава, глас 4. Подобен: Удивися: Как солнце светлое, из чрева Елисаветы / воссиял нам Захарии сын; / и разрешает он отца безгласие, / и всем людям взывает со дерзновением великим: / "Исправьте пути Господу, ибо Он придет / и спасет к Нему обращающихся!" / Кого ты предвозвестил, о Иоанн, / моли о спасении нашем!
И ныне, Богородичен: Обновила Ты, Чистая, Божественным Рождением от Тебя / в страстях истлевшее мертвенное естество рожденных на земле / и воздвигла всех от смерти к нетленной жизни. / Потому Тебя, как должно, "Блаженной" именуем все, / Дева Препрославленная, как Ты предрекла!

Песнь 4

Ирмос: Ты пришел от Девы не посланник, / ни Ангел, но Сам Господь во плоти, / и спас всего меня, человека. / Потому я к Тебе взываю: / "Слава силе Твоей, Господи!"

Припев: Святой великий Иоанн, Предтеча Господень, моли Бога о нас.

Главу Преклонившего небеса / и со смертными Общавшегося, / преклонил ты десницею твоею, всеблаженный; / ею и меня огради, / во смирении соблюдая сердце мое.
Пустыня непроходимая имела гражданином / тебя, блаженный Предтеча. / Потому взываю тебе: / "Душу мою, оказавшуюся лишенной / всякого божественного деяния, сохрани!"
Как Закона божественного защитник / был ты беззаконно умерщвлен. / Потому молю тебя: / "Меня, беззаконие творящего всегда / и уловляемого обманами демонов, исправь".
Слава: Построив самого себя храмом Владыке, / ты ныне перешел, Предтеча, / к божественным обителям. / Моли, да достигнет их / тот, кто дом всесвятой тебе воздвиг.
И ныне: Воззри на меня, болящего, Всенепорочная, / и прекрати страдания мои, / тяжкие и неисцелимые, / чтобы я величал Тебя, / возвеличившую все человечество.

Песнь 5

Ирмос: Просвещение во тьме лежащих, / спасение отчаявшихся, Христе Спаситель мой! / К Тебе с рассвета устремляюсь, Царь мира, / просвети меня сиянием Твоим: / ибо кроме Тебя я иного Бога не знаю.

Припев: Святой великий Иоанн, Предтеча Господень, моли Бога о нас.

В протоках Иордана - струях нетления / крестив Христа, Предтеча, Его моли / иссушить излияния страстей моих / и дать мне в наследие потоки сладости / и праведных веселое ликование.
Уже рыдаю и сжимаюсь от страха, / и недоумением томлюсь всегда, / помышляя о мною соделанном / и о будущем суде ужасном. / Милосердный Господи, пощади меня / твоего Крестителя мольбами. Законополагая людям спасение, / совершающееся через раскаяние в согрешениях, / ты стал, Предтеча, посреди закона и благодати. / Потому молим тебя: / всеми образами покаяния нас озари.
Слава: Дай мне время покаяния, Благодетель, / все прошедшее беспечно растратившему! / Ты на то имеешь, Слово, Тебя молящего / Иоанна великого, Предтечу / и покаяния всемирного провозвестника.
И ныне: Коварствами и кознями обманщика / я умерщвлен, Владычица всенепорочная. / Оживи меня, Богородица, / Жизнь всех родившая Ипостасную, / чтобы я Тебя, всенепорочную воспевал благоговейно.

Песнь 6

Ирмос: В бездне греховной носимый, / непостижимую милосердия Твоего призываю бездну: / от гибели Боже меня изведи!

Припев: Святой великий Иоанн, Предтеча Господень, моли Бога о нас.

Глас, о Слове провозгласивший! / Голоса всех нас приняв, / испроси, да будет даровано грехов прощение / с верою воспевающим тебя. Сокрушение души моей исцели, / и расторгни бремя грехов, / и сверх надежды спаси меня / молитвами твоими, блаженный Предтеча.
Слава: Иисуса, Которого ты рукою своей крестил, / всеславный Предтеча, умоляй, / вознося руки к Нему всегда, / из рук греха меня избавить.
И ныне: Дремотой нерадения я охвачен, / сон греха тяготит сердце мое; / Твоим Всечистая, неусыпным посредничеством / воздвигни (и) спаси меня.

Господи, помилуй (трижды) Слава, и ныне:

Кондак, глас 3. Подобен: Дева днесь:
Прежде бесплодная в сей день Христова Предтечу рождает, / и он - исполнение всякого пророчества. / Ибо на Того, Кого пророки предвозвестили, / он, во Иордане руку возложив, / явился слова Божия пророком, / провозвестником и вместе - Предтечей.
Икос: Восхвалим ныне Господня Предтечу, / которого священнику Елисавета родила из чрева бесплодного, но не без семени: / ибо один Христос прошел это вместилище как никто не проходил - без семени. / Иоанна неплодная родила, / но не без мужа его родила. / Иисуса же осенением Отца и Духа Божественного / родила Дева чистая. / Но без семени рожденному / явился от неплодной пророк, / провозвестник и вместе - Предтеча.

Песнь 7

Ирмос: Богопротивное веление беззаконного властителя / высокое пламя разожгло; / Христос же распростер над благочестивыми отроками росу Духа, / благословенный и препрославленный.

Припев: Святой великий Иоанн, Предтеча Господень, моли Бога о нас.

Исторгнув с корнем твоей секирой покаяния, / язвы страстного сердца моего, / насади, Предтеча, в нем божественное бесстрастие / и страх чистейший божий, / от всякой злобы отдаляющий меня.
Как крестивший в струях Иордана / покрывающего водами горние чертоги Господа, / умоляй Его подавать всегда / воду божественного умиления / очам моим, славный Предтеча.
Слава: О подъемлющем грех мiра / Агнце Божием провозгласивший, / испроси у Него, славный Предтеча, / явить меня непричастным жребию козлов, / и сопричислить меня к Его овцам, стоящим справа.
И ныне: Неплодное чрево носило Тебя, Дева, / во чреве носившую Слово воплощающееся; / Его познал, радуясь, великий Предтеча, / неплодной всесвятой плод, / и Ему божественными взыграниями поклонился.

Песнь 8

Ирмос: Печь огненная некогда в Вавилоне / различные действия являла, / по Божественному велению Халдеев опаляя, / а верных окропляя росою, воспевавших: / "Благословляйте, все творения Господни, Господа!"

Припев: Святой великий Иоанн, Предтеча Господень, моли Бога о нас.

Подай десницу мне, на земле лежащему, Предтеча, / простерший десницу и омывший водами скверне Непричастного, / и избавь меня от осквернения телесного, / всего меня очищая покаянием, / и спаси меня.
Имея, душа, время покаяться, / нерадения тягчайший сон стряхни, / и усердно бодрствуй, / взывая Владыке твоему: / "Милосердный, сжалься надо мной, / твоего Крестителя мольбами!" Потоки страстей, и воды злобы / до души моей дошли, блаженный Предтеча; / поспеши скоро избавить меня, / омывший струями речными / бесстрастия тишайшую пучину.
Слава: Увы мне, много зла сотворившему! / Увы мне, одному прогневавшему Бога преблагого! / Креститель Христов, помоги мне, / и подай моих согрешений разрешение, / и долгов моих отсечение / твоим посредничеством.
И ныне: Всевышнего Бога по плоти родившая, / воздвигни меня из грязи страстей гнетущих меня; / и всего тяжко обнищавшего, / обогати, Пречистая, божественными добродетелями, / чтобы я воспевал Тебя, спасаемый.

Песнь 9

Ирмос: Безначального Родителя Сын, Бог и Господь, / воплотившись от Девы, нам явился / омраченных просветить, собрать рассеянных. / Потому мы всеми воспеваемую Богородицу величаем.

Припев: Святой великий Иоанн, Предтеча Господень, моли Бога о нас.

Из тины греха избавь меня, Господи, / единый безгрешный и многомилостивый, / мольбами Крестителя, всему миру провозгласившего / о Тебе, Агнце Божием, подъемлющем / человеческие грехи.
Как розу благоуханную, как душистый кипарис, / как неувядаемую лилию, как миро драгоценное / имея тебя, Господень Предтеча, / я от зловония дел моих избавляюсь молитвами твоими, / прибегая под кров твой.
Неплодным для бесплодных дел / меня соделай, всеблаженный, / но всегда приносящим добродетелей плод благой, / тот, что делает меня чадом Господа, / и причастным божественному Царству, / и сонма святых сообитателем.
Слава: Нам, любящим тебя, / и с любовью почитающим, / и в божественном храме твоем ликующим, / подавай с небес освобождение от тяжких бед, / Предтеча Господень, / и жизни исправление, / и от согрешений избавление.
И ныне: Все Носящему Своим мановением, / носимому во чреве Богоматери, / поклонился ты, пророк; / с Нею моли о спасении смиренной души моей, / ежедневно впадающей во многие согрешения.

Светилен, глас 4

Предтечу Иоанна, Спасителя крестившего, / пророка из пророков и пустыни питомца, / дитя Елисаветы восхвалим все.
Слава, и ныне, Богородичен: Услада Ангелов, скорбящих радость, / христиан Заступница, Дева Матерь Господня, / защити и избавь нас от вечных мук.

Молитва святому Иоанну Предтече

Креститель Христов, проповедник покаяния! Не презри меня, кающегося, но вместе с Воинствами Небесными молись Владыке за меня, недостойного, унывающего, немощного и печального, во многие беды впадшего, утружденного бурными помыслами ума моего. Ибо я, вместилище злых дел, совсем не полагаю конца своему греховному обычаю: ведь ум мой пригвожден к земным вещам. Что делать, не ведаю, и к кому прибегну, чтобы спасена была душа моя, если не к тебе, святой Иоанн, соименный благодати? Ведь я знаю, что ты, после Богородицы, пред Господом больше всех рожденных: ибо ты сподобился коснуться главы Царя Христа, Агнца Божия подъемлющего грехи мира.

Моли же Его за грешную мою душу, чтобы хотя бы отныне, в одиннадцатый час, понес я тяготу благую и получил награду с последними. Так, Креститель Христов, святой Предтеча, последний пророк, первый во благодати мученик, постников и пустынников наставник, чистоты учитель и ближайший друг Христов! Тебя молю, к тебе прибегаю: не лиши меня твоего заступничества, но воздвигни меня, впавшего во многие грехи; обнови душу мою покаянием, как вторым крещением, поскольку ты и того и другого начальник: крещением омываешь грех, покаяние же проповедуешь ко очищению каждого от дел скверных. Очисти же меня, грехами оскверненного, и побуди войти туда, куда ничто скверное не входит - в Царство Небесное. Аминь.